POP 5

Lajmet më të lexuara të 5 minutave të fundit

Kultura

‘Në Librari’/ Si nisën mjeshtrat e hershëm fotografinë, mes 15 portreteve dhe Parashqevia! Luigj Gurakuqi dhe dorëshkrimet pas vdekjes, babë e bir në një botim

Rubrika “Në Librari” vjen këtë fundjavë me tre tituj të rinj.

Titulli: “Mjeshtra të hershëm të fotografisë shqiptare”

Autor: Qerim Vrioni

Shtëpia Botuese: West Print

Çmimi: 700 lekë

Studiues i fotografisë, fotograf dhe publicist, Qerim Vrioni sjell në një botim “Mjeshtra të hershëm të fotografisë shqiptare” . Mbi dy dekada më parë, ai nis të hulumtojë mbi jetët dhe punën e tyre, duke i prezantuar përmes artikujsh ndër vite 15 portrete të jashtëzakonshëm, të shekujve XIX-XX. Nga papa Jani Zengo, prifti fotograf dardhar, te Thimi Raci mjeshtri me studio fotografike në fshat, i fundmi i Marubëve, fotografi Gegë dhe natyrisht ‘Zonja’ e fotografisë Parashqevi Sahatçi, gjithashtu edhe koleksionistë, pas këtyre mjeshtërve ka histori njerëzore që Vrioni zbulon.

Titulli: “Mbi regjinë dhe aktrimin e kënduar në teatrin muzikor”

Autorë: Luigj & Nikolin Gurakuqi

Shtëpia Botuese: Enja

Çmimi: 1000 lekë

At e bir, të dy “Mjeshtra të mëdhenj” të artit skenik, Nikolini nxënës i Lugji Gurakuqit bëhen bashkë në një botim. “ Mbi regjinë dhe aktrimin e kënduar në teatrin muzikor” sjell eksperiencën e njohuritë e tyre mbi gininë e operas. Dorëshkrimet e artistit të madh të Operas Luigj Gurakuqit do të gjendeshin nga i biri 17 vjet më parë, pak para ndarjes së tij nga jeta. Prej aty përvojës së të atit , të formuar në Moskë, që ka vënë si regjisor në Teatrin e Operas dhjetëra vepra të huaja e shqiptare, pedagog i shumë artistëve të njohur, i shtohen njohuritë dhe eksperienca e të birit, gjithashtu protagonist në teatrin muzikor vendas,  që sjell qasjen e tij për aktrimin e kënduar.

Titulli: “Sfilatë mode për Koletën”

Autore: Elisabetta Dami

Shtëpia Botuese: Pegi

Çmimi: 500 lekë

Ato janë gjashtë mikesha për kokë, të apasionuara pas misterit, aventurës, por edhe modës. Çdo të hënë në mbrëmje  grupi i “Tea sisters” shikojnë së bashku emisionin e tyre të preferuar “Fashion Projekt”, dhe në fund sezoni mësojnë që edhe ato përmes një konkursi mund të bëhen pjesë e tij. Gara është e hapur për ndjekësit që duan ti propozojnë një look këngëtares Viktoria Miushëz dhe vajzat bëjnë maksimumin. Kur përgjigja vonon dhe mendojnë se looku i tyre nuk është pëlqyer, vjen një email që u njofton fitoren. Ky është vetëm fillimi i një aventure televizive për kolegjialet e Miushfordit, që do të pasojë me shumë të tjera.

SI.E./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    Si ka qenë për ju viti 2024?

Lajme të tjera



×

Lajmi i fundit

Këlliçi në SPAK, Valteri: I implikuar edhe me bursa në call center! Do japë llogari, ishte aq i shqetësuar sa aludoi edhe ndarjen

Këlliçi në SPAK, Valteri: I implikuar edhe me bursa në call center! Do japë llogari, ishte aq i shqetësuar sa aludoi edhe ndarjen

26 Dhjetor, 23:06