Në ‘luftë’ prej 8 vjetësh, Duma i kërkon Putin të njoh dy rajonet e ‘rebelëve’ në Ukrainë

Në ‘luftë’ prej 8 vjetësh, Duma i kërkon Putin të njoh dy rajonet e ‘rebelëve’ në Ukrainë

Ukrainasit kanë qenë në një luftë të vazhdueshme në lindje për gati tetë vjet, pasi “rebelët” kanë pushtuar zona të mëdha në dy rajone kryesore Luhansk dhe Donetsk.

Në vitin 2014 separatistët i shpallën ato zona si republika të pavarura, të ashtuquajtura republika popullore, por Rusia nuk i ka njohur asnjëherë ato.

Ditën e sotme parlamenti rua ka votuar dhe i ka bërë thirrje presidentit rus Vladimir Putin që t’i njohë ato dy zona si shtete sovrane dhe të pavarura.

Nëse kjo do të realizohet do të ishte një ‘goditje’ e fortë për mundësinë e rivendosjes së paqes mes dy vendeve.

Janë dy marrëveshje të njohura si marrëveshjet e Minskut nga viti 2014 dhe 2015. Ato thjesht nuk janë zbatuar ende dhe një rrugëdalje nga kriza aktuale do të ishte përparimi në marrëveshjen e Minskut. Sipas këtyre marrëveshjeve, dy rajonet e drejtuara nga rebelët do të mbeten pjesë e Ukrainës, por ato do të mbajnë një status të veçantë autonomie. Rusia dhe Ukraina kanë pikëpamje shumë të ndryshme për kuptimin e këtij statusi.

Ky votim nga deputetët nuk është i detyrueshëm dhe zëdhënësi i Kremlinit Dmitry Peskov ka qenë i kujdesshëm për të vënë në dukje se nuk ishte marrë asnjë vendim.

Rusia tashmë ka shpërndarë rreth 720,000 pasaporta për njerëzit që jetojnë në rajonet rebele, kështu që ata tashmë janë afër Moskës. Por njohja e pavarësisë do të ishte një vendim dramatik që i jep fund çdo shprese për të arritur paqen me Kievin.


Lajmi kryesor:

Kriza/ Rusia njofton tërheqjen e disa trupave ushtarake, reagon Ukraina: Kur ta shohim e besojmë! NATO mosbesuese! Biden-Johnson: Ka shpresë për zgjidhje diplomatike


J.GJ./Shqiptarja.com
  • Sondazhi i ditës:

    Qeveria shtyn zbatimin e fashës 800 kWh për çmimin e energjisë, mendoni se është zgjidhja e duhur?



×

Lajmi i fundit

Akademia e Shkencave risjell për herë të dytë në Shqipëri një nga konferencat më mëdha të shkencës

Akademia e Shkencave risjell për herë të dytë në Shqipëri një nga konferencat më mëdha të shkencës