Një tërheqje të trupave të saj është njoftuar sot nga Rusia, teksa SHBA kishte deklaruar se është planifikuar një sulm për nesër, më 16 shkurt. Moska e ka quajtur ditën e sotme si historike pasi sipas tyre kështu vërtetohet dështimi i propagandës së luftës nga perëndimi.
Por nga Ukraina ende nuk besojnë. Ministri i Jashtëm ukrainas është shprehur se do ta besojë këtë lajm kur të shikojë se trupat ruso të dislokuara në kufi do të largohen të gjitha.
Udhëheqësit e SHBA-së dhe Britanisë së Madhe kanë thënë se nuk ka humbur çdo shpresë për një zgjidhje diplomatike të krizës në Ukrainë, por paralajmëruan se situata mbetet e brishtë. Në një telefonatë 40-minutëshe, Joe Biden dhe Boris Johnson ranë dakord që një marrëveshje ishte ende e mundur, pavarësisht një sërë paralajmërimesh për një pushtim të afërt rus.
Rusia gjithmonë ka mohuar planet për të pushtuar Ukrainën, pavarësisht se ka grumbulluar më shumë se 100,000 trupa në kufi. Të hënën, ministri i jashtëm rus tha se diplomacia ishte "shumë të shteruar". Si pjesë e përpjekjeve diplomatike për të shmangur një pushtim të mundshëm, kancelari i Gjermanisë Olaf Scholz do të takohet me Presidentin e Rusisë Vladimir Putin më vonë gjatë ditës së sotme.
Më shumë se një duzinë kombe u kanë kërkuar qytetarëve të tyre të largohen nga Ukraina dhe SHBA-ja ka thënë se bombardimet ajrore mund të fillojnë "në çdo moment".
Por në bisedën e tyre, Biden dhe Johnson thanë se mbetej një "dritare" për diplomacinë dhe për Rusinë që të tërhiqet nga kërcënimet e saj ndaj Ukrainës, sipas një deklarate të Doëning Street.
“Udhëheqësit theksuan se çdo ndërhyrje e mëtejshme në Ukrainë do të rezultonte në një krizë të zgjatur për Rusinë, me dëme të gjera si për Rusinë ashtu edhe për botën”, shtohet në deklaratë.
Johnson tha se Mbretëria e Bashkuar ishte e përgatitur të bënte gjithçka që mundej për të ndihmuar.
Në një fjalim sfidues drejtuar kombit të hënën, presidenti i Ukrainës Volodymyr Zelensky shpalli 16 shkurtin, një datë e cituar nga zyrtarët amerikanë, si një ditë e mundshme në të cilën Rusia mund të sulmonte dhe vlerësoi forcën e ushtrisë ukrainase.
"Ne kemi me çfarë të përgjigjemi. Ne kemi një ushtri të madhe... kjo është një ushtri shumë herë më e fortë se tetë vjet më parë", tha ai, por shtoi se dëshiron të zgjidhë të gjitha çështjet përmes negociatave dhe diplomacisë.
Presidenti ukrainas e përfundoi fjalimin e tij me një notë optimiste, teksa theksoi: "Tani mund të mendoni se është errësirë përreth. Por nesër dielli do të lindë përsëri mbi qiellin tonë paqësor."
Presidenti i Shteteve të Bashkuara, Joe Biden, tha se një sulm rus ndaj Ukrainës ende “është shumë i mundshëm”, por përpjekjet diplomatike të nivelit të lartë do të vazhdojnë, me qëllim që të zgjidhet kriza pas grumbullimit ushtarak rus.
“Ne jemi të gatshëm të përgjigjemi në mënyrë të vendosur ndaj një sulmi rus në Ukrainë, që vazhdon të jetë një mundësi”, tha Biden.
Biden tha se raportimet se Rusia ka tërhequr disa forca nga kufiri me Ukrainën, ende nuk janë verifikuar nga Uashingtoni.
“Për qytetarët e Rusisë: ju nuk jeni armiku ynë, dhe unë nuk besoj se ju doni një luftë të përgjakshme, shkatërruese ndaj Ukrainës”, tha ai.
Presidenti Biden tha se Shtetet e Bashkuara “nuk duan konfrontim direkt me Rusinë”, por ai shtoi se nëse Rusia sulmon amerikanët në Ukrainë, “ne do të përgjigjemi me forcë”.
Presidenti amerikan tha se SHBA-ja dhe aleatët e NATO-s janë të përgatitur çfarëdo që do të ndodhë dhe paralajmëroi se Rusia do të paguante një çmim të lartë ekonomik, nëse nis pushtimin e Ukrainës.
Ukrainasit kanë qenë në një luftë të vazhdueshme në lindje për gati tetë vjet, pasi “rebelët” kanë pushtuar zona të mëdha në dy rajone kryesore Luhansk dhe Donetsk.
Në vitin 2014 separatistët i shpallën ato zona si republika të pavarura, të ashtuquajtura republika popullore, por Rusia nuk i ka njohur asnjëherë ato.
Ditën e sotme parlamenti rua ka votuar dhe i ka bërë thirrje presidentit rus Vladimir Putin që t’i njohë ato dy zona si shtete sovrane dhe të pavarura.
Nëse kjo do të realizohet do të ishte një ‘goditje’ e fortë për mundësinë e rivendosjes së paqes mes dy vendeve.
Janë dy marrëveshje të njohura si marrëveshjet e Minskut nga viti 2014 dhe 2015. Ato thjesht nuk janë zbatuar ende dhe një rrugëdalje nga kriza aktuale do të ishte përparimi në marrëveshjen e Minskut. Sipas këtyre marrëveshjeve, dy rajonet e drejtuara nga rebelët do të mbeten pjesë e Ukrainës, por ato do të mbajnë një status të veçantë autonomie. Rusia dhe Ukraina kanë pikëpamje shumë të ndryshme për kuptimin e këtij statusi.
Ky votim nga deputetët nuk është i detyrueshëm dhe zëdhënësi i Kremlinit Dmitry Peskov ka qenë i kujdesshëm për të vënë në dukje se nuk ishte marrë asnjë vendim.
Rusia tashmë ka shpërndarë rreth 720,000 pasaporta për njerëzit që jetojnë në rajonet rebele, kështu që ata tashmë janë afër Moskës. Por njohja e pavarësisë do të ishte një vendim dramatik që i jep fund çdo shprese për të arritur paqen me Kievin.
NATO është spektike për lajmet se trupat ruse po tërhiqen. Sekretari i përgjithshëm i NATO-s, Jens Stoltenberg, thotë se një de-përshkallëzim i vërtetë do të nënkuptonte një tërheqje të konsiderueshme të trupave dhe pajisjeve ushtarake ruse nga zonat kufitare me Ukrainën.
"Rusia ka grumbulluar një forcë luftarake në dhe rreth Ukrainës, e paprecedentë që nga Lufta e Ftohtë. Por Rusia ka ende kohë të tërhiqet nga pragu, të ndalojë përgatitjen për luftë dhe të fillojë të punojë për një zgjidhje paqësore. Ka shenja nga Moska se diplomacia duhet të vazhdojë. Kjo jep bazë për optimizëm të kujdesshëm. Por deri më tani nuk kemi parë asnjë shenjë të de-përshkallëzimit në terren nga pala ruse", tha Stoltenberg.
Ai foli me gazetarët përpara një takimi dy-ditor të ministrave të mbrojtjes të aleancës në Bruksel. Ai thotë se ata do të adresojnë nevojën për të "rritur më tej qëndrimin tonë mbrojtës".
Oleg Tsaryov mund të jetë alternativa e Kremlinit për të udhëhequr një 'qeveri kukull' në Kiev në rast të një pushtimi rus. Kështu shkruan 'Financial Times', teksa citon një zyrtar perëndimor të inteligjencës, teksa shkruan se Moska mund të pozicionojë në role udhëheqëse në Kiev edhe të tjerë, si pjesë e kësaj përpjekje. Tsaryov braktisi karrierën e tij politike në 2015.
Në Ukrainën lindore, Tsaryov shërbeu në Partinë e Rajoneve pro-Moskës të udhëhequr nga Viktor Yanukovych, i cili u largua në Rusi në 2014 pas një revolucioni pro-perëndimor. Pas aneksimit të Krimesë nga Rusia në të njëjtin vit dhe fillimit të një konflikti separatist të mbështetur nga Moska në rajonin lindor të Donbasit të Ukrainës, Tsaryov kandidoi për president. Më pas ai u transferua në Krime pasi Ukraina e akuzoi atë për mbështetjen e separatistëve në vitin 2015.
Rusia njoftoi tërheqjen e disa trupave nga kufiri me Ukrainën, por Kievi duket mosbesues, duke thënë se një gjë e tillë nuk është ende. Ministri i Jashtëm ukrainas Dmytro Kuleba ka thënë se Rusia duhet të tërheqë të gjitha forcat e saj të mbetura në kufi.
"Ne kemi një rregull: mos besoni atë që dëgjoni, besoni atë që shihni", u tha ai gazetarëve pas raporteve që disa trupa ruse po ktheheshin në bazë. "Kur të shohim një tërheqje, ne do të besojmë në një de-përshkallëzimi", u shpreh ai.
Kuleba shtoi se rruga diplomatike që Ukraina po ndiqte me aleatët e saj, po punon për të parandaluar përshkallëzimin e mëtejshëm.
Rusia ka ndërmarrë një hap drejt uljes së tensioneve, me Ministrinë e Mbrojtjes të vendit duke njoftuar se disa trupa të dislokuara pranë kufirit me Ukrainën kanë filluar të kthehen në kazermat e tyre, ndërsa Perëndimi shqetësohet se një sulm ushtarak i Moskës kundër Kievit është shumë afër.
“Me përfundimin e stërvitjeve, trupat , si gjithmonë, do të kryejnë marshime të kombinuara drejt bazave të tyre të përhershme. Njësitë e Qarqeve Ushtarake Jugore dhe Perëndimore që kanë përfunduar detyrat e tyre tashmë kanë filluar ngarkimin e personelit dhe pajisjeve në trenat dhe mjetet e transportit dhe sot do të nisin drejt njësive të tyre ushtarake ", tha Igor Konachenkov , një zëdhënës i ministrisë.
Ky njoftim është shenja e parë e tërheqjes së Moskës në krizën me Perëndimin që filloi në fund të vitit 2021 .
Disa video, të filmuara nga persona që pretendojnë se janë tanket duke kaluar pranë kufirit me ruso-ukrainas po bëhen tepër virale.
Ditët në vijim deri më 20 shkurt konsiderohen tepër kritike për shkak të zhvillimit të stërvitjeve ushtarake në shkallë të gjerë si nga Forcat e Armatosura ruse ashtu edhe ato të Ukrainës, megjithatë në nivel diplomatik ka procese intensive për të shmangur një konflikt ushtarak që mund të çojë edhe në një konflikt të hapur mes Perëndimit dhe Rusisë.
Megjithëse Rusia mohon mundësinë e pushtimit, videot e qytetarëve ukrainas që banojnë pranë zonës së kufirit dëshmojnë të kundërtën.
Komente
Lajme të tjera
-
Deputeti i LDK: Veprimet e qeverisë Kurti, e kanë kthyer presionin e Perëndimit ndaj Kosovës
27 Nëntor, 22:16 -
Agron Gjekmarkaj: Sami Repishti iku, la pas një monument
27 Nëntor, 20:40
-
'Ajo duket e dehur', amerikanët të habitur nga gjendja e Kamala Harris në videomesazh: Mesa duket stafi i saj e urren (VIDEO)
27 Nëntor, 20:23 -
Trump nominon gjeneralin e pensionuar Kellogg si të dërguar për Ukrainën dhe Rusinë
27 Nëntor, 20:11 -
Ndahet nga jeta akitivisti shqiptaro-amerikan Prof. Sami Repishti, simboli i qëndresës ndaj torturave të komunizmit
27 Nëntor, 19:03 -
SHBA/ Kërcënime me bomba ndaj të përzgjedhurve të Trump për kabinetin e ri! Reagon FBI
27 Nëntor, 19:01 -
NBA/ Phoenix i jep leksion Lakers, Milwaukee 'shkelmon' krizën! Fitojnë Bulls e Rockets
27 Nëntor, 14:24 -
Javier Mascherano fiton garën me Sylvinhon, prezantohet zyrtarisht te Inter Miami
27 Nëntor, 13:53 -
Kina, Meksika dhe Kanadaja reagojnë ndaj kërcënimeve të Trumpit për tarifat tregtare
27 Nëntor, 13:17 -
Lufta në Ukrainë/ Trump zgjedh Kellogg si të dërguar special për Rusinë dhe Ukrainën
27 Nëntor, 07:48 -
Trump nënshkruan marrëveshje me Shtëpinë e Bardhë për të filluar zyrtarisht transferimin e pushtetit
27 Nëntor, 07:13 -
NATO konfirmon mbështetjen për Ukrainën pas sulmit rus me raketë balistike
26 Nëntor, 20:36
Shqiptare ne rusi ka marre ne kryeqyteti ruse dhe ne kryeqytete Bjellorusi shqiptare shpiptare ne Bjellorusi dhe rusi ketkoje autonomi ashtu edhe ne Serbi Mali zi bashkimi Mitrovicë veri dhe jugu dhe Vojvodinë dhe Maqedoni dhe Qipro dhe ne bosnje
PërgjigjuPo keta pse nuk thone se nuk ka lufte, se sa e mblodhi meta keshillin e sigurimit na 7 nga frika putinit, pastaj a ju erdhi ky gjigandi jone aty, i shtroi nje darke te mire tere dipllomateve me taksat e shqiptareve, e i dehu ruset. Keshtu rrini rehat se sa te keni keta lideret shqiptar nuk ka luft ne ukrainen e larget.
PërgjigjuNuk pushton Rusia asnje vend thjesht do qe Nato mos te vendos raketat e saj ne deren e shtepise , dhe eshte e drejta e tyre te kundershtojne . Doja te ahikoja vendet perendimore cfare do te thoshnin nese Rusia vepro te si po veprojne keto vende sot ?
Përgjigju