Në Vlorë dhe Durrës, pushuesit plazh edhe në tetor: Tani është koha më e mirë për të pushuar, po mbajti koha do vijmë edhe në nëntor

Këto pamje nuk janë nga arkiva e verës. Është tetor dhe qytetarë të shumtë, vendas e të huaj, kanë zgjedhur që temperatura e larta të pazakonta për stinën e vjeshtën, t’i shfrytëzojnë duke bërë plazh. Në Vlorë, temperaturat arritën deri në 27 gradë celsius. Këtë fundjavë, në plazh gjejmë qytetarë të shumtë, të ardhur edhe nga Kosova dhe turistë të huaj.

 “Ndihemi mjaft mirë këtu është super. Ne në fakt kemi ardhur për çështje pune, por këtu erdhëm për të ndryshuar ambient dhe është shumë bukur”, thotë një turist italian.

 “Për moshën tonë është koha më e mirë tani në tetor. Tash mundesh me ndjenjë tërë ditën”, shprehet një turist kosovar.

LEXO EDHE:
I gëzohet amnistisë vetëm pak orë, Sokol Sinomati i njohur si 'Buzëderri' la qelinë në Fushë-Krujë dhe u arrestua sapo u fut në Vlorë

Edhe në Durrës të apasionuarve pas detit u mjafton një ditë e ngrohtë për të shijuar bregdetin në çdo periudhë të vitit.

“Unë vij rregullisht në plazh. Edhe ne tetor ndoshta po të mbaj koha vij dhe në nëntor. Për sot kam  nuk e kam provuar detin por do ta ta provoj. Mua po më duket mrekulli.

“Për mua është shumë e këndshme. Është kurim plazhi në tetor. Deti është i pastër çdo gjë është pastër. Unë e kam hobi detin dhe bëj plazh deri në dhjetor.

SI.E./Shqiptarja.com

TAG:
• sezoni turistik
• plazh
• Durres
• Vlore