POP 5

Lajmet më të lexuara të 5 minutave të fundit

Politikë

'Negociatat e vështira me Greqinë', Bushati takon ish-ministrin Kotzias

Ish- Ministri i Jashtëm Ditmir Bushati bashkë me ish-ministrin grek, Kotzias, kanë marrë pjesë në konferencën shkencore të organizuar nga Ministria e Jashtme Greke dhe Universiteti i Pireut, ku shpjeguan edhe rrugëtimin e negociatave mes dy vendeve.

'Negociatat e vështira me Greqinë', Bushati takon ish-ministrin Kotzias

Ish-ministri i Jashtëm grek, Nikos Kotzias, ka vlerësuar kontributin e ish-homologut të tij shqiptar, Ditmir Bushati në rrugëtimin e vështirë të negociatave mes Shqipërisë dhe Greqisë.

“Vijuam për të zgjidhur probleme prej dekadash me Shqipërinë. Miku Ditmir Bushati, një Ministër jashtëzakonisht inteligjent dhe krijues, së bashku me ekipin e tij negociues, arriti së bashku me ne, në zgjidhjen e pothuajse të gjithë këtyre çështjeve. Disa duket se nuk dëshirojnë përfundimin zyrtar të gjendjes së luftës mes Greqisë dhe Shqipërisë që nga Lufta e II Botërore. Por ne kemi ndërmarrë hapa seriozë në bashkëpunimin tonë. Ditmir të falënderoj për çdo gjë të mirë që bëmë për popujt tanë dhe për bashkëpunimin e shteteve tona", u shpreh Kotizias pasi takoi ish-minsitrin e  Jashtëm Ditmir Bushati në konferencën shkencore të organizuar nga Ministria e Jashtme Greke dhe Universiteti i Pireut.

“Nga eksperienca ime në raportet dypalëshe me Greqinë, gjëja më e lehtë është të parashtrosh pozicionin tënd përballë fqinjit dhe kjo të bën shumë të pëlqyer brenda vendit por ama është e pamjaftueshme për të ndryshuar gjërat. Së bashku me Nikos Kotzias dhe me ekipet tona ne vendosëm që të angazhohemi për të zgjidhur çështjet dypalëshe të paketës dhe unë besoj që diplomatet tanë dhe Kryeministrat do ta përfundojnë këtë proces, duke siguruar cilësinë dhe integritetin e debatit publik, i cili nuk duhet lejuar që të helmohet. Unë shpresoj që paketa me Greqinë do të kthehet në një histori tjetër suksesi në rajonin tonë”, nënvizoi Bushati.

Gjatë qëndrimit në Athinë, Bushati zhvilloi takime me përfaqësues të spektrit politik grek, ku në qendër të diskutimeve ishte bashkëpunimi dypalësh.

G.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 5 Shkurt, 10:32

    Informaliteti e nëndeklarimi pagave po dëmtojnë pensionet, sa po luftohen?

Lajme të tjera



×

Lajmi i fundit

Mero Baze: Gjunjëzimi i PD para 'Kandidatit për Kryeministër'

Mero Baze: Gjunjëzimi i PD para 'Kandidatit për Kryeministër'

5 Shkurt, 23:02 nga Mero Baze