Himara, Hasani: Qeveria po shqyrton vendimin e GJKKO-së për Belerin! S’kemi plan B për marrëveshjen me Italinë, presim Kushtetuesen

TIRANË- Qeveria po shqyrton vendimin e GJKKO-së, i cili rekomandon zëvendësimin e Jorgo Goros sipas prakatikave të BE-së, pasi kryetari i zgjedhur i Himarës Fredi Beleri, ndodhet në burg për blerje votash. Kështu bëri me dije ministri i Jashtëm Igli Hasani në një konferencë për medita, për bilancin e vitit 2023. Hasani tha se po shihen të gjitha hapat që do të sjellin një situatë që do të krijojë një zgjidhje afatgjatë dhe të besueshme.

Pyetje: Përfundimisht qeveria është e vendosur që për Himarën do të jetë një emër konsensual, pra do të shkojë sipas propozimit të GJKKO-së që të shfrytëzojmë praktikat perëndimore për të zgjedhur një administrator dhe për ta anashkaluar këshillin bashkiak i cili nëpërmjet votës duhet të zgjedhe një nga dy nënkryetarët dhe ky më patjetër duhet të jetë me pëlqimin e Greqisë?

Hasani: Asnjë nga këto që ju thatë nuk janë të vërteta apo të rreme, kjo është një hipotezë që ju ngritët  dhe unë ju admiroj për mënyrën si e ngritët. Vendimi i GJKO-së po merret në shqyrtim nga qeveria dhe po shihen të gjitha hapat që do të në sjellin në një situatë që do të krijojë një zgjidhje afatgjatë dhe të besueshme.

LEXO EDHE:
Marrëveshja për emigrantët/ Italia rinis dërgimin e azilkërkuesve në Shëngjin në janar, Tajani: Projekti jonë u mbështet nga vendet e BE-së

Kujtojmë se kryeministri Edi Rama paralajmëroi largimin Jorgo Goros nga drejtimi i bashkisë Himarë, duke e zëvendësuar sipas praktikave të BE-së, rekomandim ky i bërë edhe nga Gjykata e Posaçme.

Më tej kryediplomati thotë se Shqipëria nuk ka një ‘plan B’ në lidhje me marrëveshjen e Shqipërisë me Italinë për strehimin e emigrantëve në vendin tonë. Ministri i Jashtëm u shpreh se do të presin vendimin e Gjykatës Kushtetuese, më pas do të do të vazhdohet më përgatitjet e përmbushjes së detyrimeve bazuar në marrëveshje.

‘Nuk dua të komentoj vendimet e gjykatave kanë detyrimin kushtetues dhe ligjor të japin vendimet që ato gjykojnë si të rëndësishëm. Marrëdhënia me Italinë është shumë e rëndësishme. Është një maksimum i gjithë atij kontributi që shteti Italian ka bërë për shtetin shqiptar dhe për popullin shqiptar ndër vite. Është një angazhim serioz që ne tregojmë në raport me partnerët tanë ndërkombëtar duke qenë dhe duke përmbushur detyrimet e një vendi anëtar të BE-së edhe duke mos qenë një vend anëtar në BE-së edhe duke mos qenë një vend anëtar. Për asnjë moment nuk ka një plan B. ne vazhdojmë me përgatitej e përmbushjes së detyrimeve të bazuara në marrëveshje, duke pritur që Gjykata të shprehet për rastin më parë me ato që ka për tu shprehur shpresoj se siç po ndodh shpesh në vitet fundit, gjykata mos të ndikohet nga emocione politike.’- tha Hasani.

Duke u ndalur te procesi i Integrimit, Hasani tha se Shqipëria është sot gati për Konferencën e Dytë Ndërqeveritare me BE.

‘Shqipëria është sot gati për Konferencën e Dytë Ndërqeveritare, presim lajme të mira në fillim të vitit 2024 sa i përket negociatave me BE.’- tha ministri.

Qeveria Shqiptare është duke pritur autorizimin nga Presidenti i Republikës, iu përgjigj Hasani, pyetjes për procesin me Greqinë për çështjen e detit, për të cilën të dy vendet kanë thënë se do ta zgjidhin në Gjykatën e Hagës

‘Greqia është një fqinj i rëndësishëm i Shqipërisë. Për marrëveshjen e Detit, pres nga Presidenti i Republikës nëse ka nevojë më shumë për informacion.’- u shpreh ministri.

 

Rendit zhvillimet sipas orarit:

Të Fundit Të Parat

M.Q./Shqiptarja.com

TAG:
• marreveshja e detit
• marreveshje me italine per emigrantet
• arrestohet Fredi Beleri
• ministria e jashtme
• igli hasani