POP 5

Lajmet më të lexuara të 5 minutave të fundit

Shëndeti

Nëna 31-vjeçare rrëfen në lot betejën me kancerin e gjirit: Po luftoj për 2 fëmijët e mi! Gratë dhe vajzat të bëjnë kontrolle të vazhdueshme

Fati, një 31-vjeçare nga Vlora po përballet me sëmundjen e rëndë të tumorit të gjirit. Forcën për ta mundur e gjen tek dy vajzat e saj të vogla, të cilat do t’i shijojë teksa rriten. Një apel e ndan për të gjitha vajzat në moshën e saj, sesi vetëm një kontroll tek mjeku mund të shpëtojë jetë.

Gjashtë muaj më parë një gjëndër në gjoksin e majtë i shtoi merakun. Mori rrugën për në poliklinikën e Vlorës dhe pas vizitës me onkologen Juliana Cuni , mësoi se ishte prekur nga kanceri i gjirit.

"Quhem Fati dhe jam 31 vjeç dhe para 6 muajsh kam bërë një eko gjiri sepse konstatova rastësisht një masë në gjoks e majtë dhe shkova tek onkologia dhe aty mora vesh se do e bëja operacion dhe aty më dola tumor. Jam duke bërë kimioterapi dhe unë me ndihmën e zotit ia hodha", tha 31-vjeçarja.

Nëna e re, Fati Gjikaj e ka një motiv të fortë për t'u përballur më sëmundjen e vështirë.

"Pasi ndjeve diçka shkova të bëj vizitën, nuk e lashë të kalosh kohën jam një nënë e re dhe kam për të rritur dy vajza", tha ajo.

Mes lotësh, 31-vjeçarja u drejtohet me një apel të fortë grave e vajzave, për të kryer kontrolle të vazhdueshme.

"Edhe pa konstatuar diçka shkoni bëni kontrollet se një mama e re ka probleme në gjidhënie, konsultohuni me një mjek shpëtoni veten tuaj" ishte apeli i nënës së re.

Mjekja onkologe që po trajton Fati Gjikajn thotë se rastet e reja të diagnostikuara janë në rritje, dhe për këtë ka ndikuar negativisht dhe pandemia.

 “Ka një trend në rritje të rasteve. Mendoj që ka ndikuar edhe pandemia , mbyllja për një vit  pati vonesa të kontrolleve periodike ose në kontrollet depistuese. Për fat të keq ende nuk ka një kulturë shëndetësore të kontrolleve. Ka  vite që bëhet lajm tetori rozë, por nuk mjafton vetëm ky muaj për muaj për depistimet. Është vëne re që ka prekje të moshave të reja, në qytetin e Vlorës mosha më e re është një vajzë 31 vjeçe që u diagnostikua me kancer gjiri dhe po mjekohet”, u shpreh onkologia Juliana Çuni.

Nga Janari e deri në mesin e tetorit, 55 gra janë diagnostikuar me kancer gjiri në Vlorë, ndërsa mjekja thekson se kanceri i gjirit është një sëmundje e shërueshme nëse kapet në kohë.

/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Nëntor, 23:23

    A po japin rezultat protestat e PD-së?

Lajme të tjera



×

Lajmi i fundit

GJKKO liroi Berishën, avokati Gjokutaj: Del që sot nga 'arresti shtëpiak'! SPAK të bëjë ç'të dojë, i ka hipur kalit së prapthi

GJKKO liroi Berishën, avokati Gjokutaj: Del që sot nga 'arresti shtëpiak'! SPAK të bëjë ç'të dojë, i ka hipur kalit së prapthi

27 Nëntor, 10:17