Nëna ndal mbledhjen e fondeve për
fëmijën e sëmurë:S’e shpëtojmë dot

Nëna e një fëmije të sëmurë me tumor ka kërkuar të ndërpritet fushata e donacioneve në ndihmë të tij pasi ai nuk ka shpresa të jetojë.
 
Në vetëm 24 orë janë mbledhur rreth 20 mijë stërlina, të cilat do të ndihmonin në kurimin e të voglit Josh McCormack, por si duket për të nuk ka më shpresa.
 
Ditën e djeshme, Nicola dhe Kev nga Anglia, prindërit e Josh kanë njoftuar se gjendja shëndetësore e djalit ishte përkeqësuar shumë dhe se çdo tentativë për ta shpëtuar do të ishte e kotë.
 
Mjekët kanë këshilluar prndërit të marrin djalin në shtëpi, pasi asgjë tjetër nuk mund të bëhët më me të.
 
Josh ka kaluar disa seanca të kimioterapisë, të cilat u pasuan nga fushata që do të mbildhte para për të kryer një proces imunoterapie në SHBA, i cili kushtonte 200 mijë sterlina.
 
Por beteja është humbur... “Fondet e mbledhura janë befasuese, por mendoj se duhet të përballem me realitetin. Ju falënderojmë për gjithë mbështetjen tuaj dhe që na e lehtësuat ngarkesën. Tani nuk ka më nevojë për mbledhje fondesh, vetëm për dashuri dhe mbështetje ndaj atyre që na rrethojnë”, deklaroi nëna e 5- vjeçarit.







Redaksia Online
Al.N/Shqiptarja.com