POP 5

Lajmet më të lexuara të 5 minutave të fundit

Politikë

Neni që ka tërbuar Ilir Metën, privilegjet që humbet nëse shkarkohet, nga ruajta me gardistë tek pagat pas mandatit deri në 2025, ja pse po e kërcënon Kushtetuesen

Ilir Meta humbet privilegjet e parashikuara për funksionarët e lartë nëse shkarkohet nga Gjykata Kushtetuese, përveç njollës si politikan nuk do t’i njihet statusi i ish presidentit. Presion anëtarëve të Gjykatës Kushtetuese tre ditë para mbledhjes për shkarkimin e tij.

Neni që ka tërbuar Ilir Metën, privilegjet që humbet nëse shkarkohet, nga ruajta me gardistë tek pagat pas mandatit deri në 2025, ja pse po e kërcënon Kushtetuesen

Ilir Meta

Presidenti Ilir Meta ka intensifikuar presionin dhe shantazhin ndaj anëtarëve të Gjykatës Kushtetuese, në prag të mbledhjes së kësaj gjykate për shqyrtimin e vendimit të Kuvendit për shkarkimin nga detyra të Metës, për shkelje të mbi 20 neneve të Kushtetutës, për provokim të cenimit të marrëdhënieve me SHBA, cenimin e sigurisë publike, thirrje për veprime të dhunshme etj. Akuzat dhe kërcënimet e Metës ndaj Gjykatës Kushtetuese reflektojnë pasigurinë e tij për votat e anëtareve të Masida Xhaferllarit dhe Vitore Tushes, vota vendimtare për fatin e tij.

Mandati i Ilir Metës mbaron në 24 korrik të vitit 2022. Edhe nëse Gjykata Kushtetuese e shkarkon për shkelje të Kushtetutës, kjo vendimmarrje mund të merret në fund të mandatit të tij ose edhe pas mbarimit të mandatit.

Po pse Ilir Meta është i alarmuar nga mundësia e shkarkimit nga Gjykata Kushtetuese?

Dy janë arsyet. Së pari, Ilir Meta do të hynte në histori si presidenti i parë në historinë e Shqipërisë që shkarkohet për dhunimin sistematik të Kushtetutës. Një vendim i tillë do të ishte një njollë e përjetshme politike.

Së dyti, nëse Gjykata Kushtetuese konfirmon vendimin e Kuvendit, Ilir Meta humbet të gjitha privilegjet si ish president, bashkë me familjen e tij. Pika 4 e nenit 63 të ligjit për Gjykatën Kushtetuese parashikon që “kur vendoset deklarimi i shkarkimit nga detyra të Presidentit të Republikës, ai nuk përfiton trajtimet e veçanta të parashikuara për funksionarët e lartë”.

Nëse Gjykata Kushtetuese e shkarkon, Ilir Meta humbet të drejtën për t’u mbrojtur nga Garda e Republikës, pas mbarimit të mandatit. Ligji për gardën parashikon që Presidenti i Republikës, pas përfundimit të mandatit, gëzon të drejtën e mbrojtjes personale për 5 vjet, pra deri në vitin 2027. Në rast shkarkimi Meta e humbet këtë të drejtë. Nëse shkarkohet nga Gjykata Kushtetuese, Ilir Meta humbet edhe të drejtën për të marrë tre paga mujore pas largimit nga Presidenca si dhe 50 % të pagës deri në vitin 2015.

Meta humbet gjithashtu trajtimin si ish president nëpër ceremoni dhe festa zyrtare. Një tjetër privilegj që humbet Meta si ish president është shfrytëzimi i diferencuar i sallës VIP në Aeroportin "Nënë Tereza", ndonëse ai mund ta fitojë si ish kryeministër në vitet 2000-2002. Si ish kryeministër Meta mund të mbajë edhe pasaportën diplomatike. Pas largimit nga Presidenca, Ilir Meta pritet të rikthehet në krye të LSI-së, e cila ‘preku fundin’ në zgjedhjet e fundit parlamentare. Ndërkaq, kryetari i PD-së, Lulzim Basha, ka paralajmëruar se Meta do të shpallet non grata nga SHBA, ashtu si aleati i tij Sali Berisha.

K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Dbdn: 29/01/2022 22:20

    Kjo do jete. Keni te drejte.

    Përgjigju
  • Sondazhi i ditës:
    21 Dhjetor, 15:03

    Si e vlerësoni mbylljen e TikTok në Shqipëri për një vit?

Lajme të tjera



×

Lajmi i fundit

Kur kthimi në Shqipëri për të investuar, përfundon në zhgënjim

Kur kthimi në Shqipëri për të investuar, përfundon në zhgënjim

22 Dhjetor, 22:51