Nënkryetari i LSI thirrje prokurorëve: Ngrihuni kundër Arta Markut, dëshmoni që s'jeni servilë

Nënkryetari i LSI, Luan Rama, ju ka bërë thirrje prokurorëve që të ngrihen kundër kryeprokurores Arta Marku, pasi kjo e fundit kaloi me sukses Vettingun.

Në një postim në ‘Facebook’, Luan Rama falënderon prokurorët, që sipas tij, i kanë shkruar duke i adresuar vërejtjet dhe kritikat për Arta Markun.

Ndër të tjera, Rama i LSI ju kërkon prokurorëve që këto kritika t’ia adresojnë direkt kryeprokurores dhe t’i bëjnë objekt debatesh e diskutimesh në strukturat e tyre.

Një falenderim dhe një këshillë për disa prokurorë!... Pas publikimit të qendrimit tim dje dhe sot për mosparaqitjen e Prokurores së Përgjithshme para komisionit të vetingut, ç’ka, edhe një herë e ritheksoj, ishte fyese e në papërgjegjshmëri të plotë me përmbushjen e detyrës së lartë nga njëra anë, dhe nga ana tjetër, poshtërues e mospërfillës për institucionet e vetingut dhe vetë reformën në drejtësi, shumë prokurorë, të njohur e të panjohur, me kanë dërguar mesazhe solidariteti e falenderimi!

Në respekt të kodit tim etik edhe unë i falenderoj. Por, ndërkaq, dua t’jua bëj të qartë e t’ju jap edhe një këshillë miqësore, se nuk kanë përse të më falenderojnë mua, por, ato vërejtje, madje edhe kritika që kanë për Prokuroren e tyre të Përgjithshme, le t’ja adresojnë asaj e t’i bëjnë objekt debatesh e diskutimesh në strukturat e tyre!

LEXO EDHE:
Raporti për lirinë/ Freedom House: Qasja e shqiptarëve në drejtësi po përmirësohet! Shqipëria dhe Kosova vende ‘pjesërisht të lira’ pavarësisht përparimeve

Unë nuk kam nevojë për faktet që më sjellin ata e që lidhen me mosfuksionimin dhe degradimin e institucionit të prokurorisë.

Unë, e si unë besoj edhe qytetarët e tjerë, kemi nevojë për prokurorë të devotshëm, korrektë e të ndershëm në zbatimin e ligjit, kemi nevojë për prokurorë qytetarë, me integritet e dinjitet profesional, për njerëz kurajozë e që nuk e shesin emrin e tyre nëpër mejhanet e korrupsionit!

Sistemi i drejtësisë është përpara provës së madhe, për të fituar pikësëpari sfidën e besimit të qytetarëve! E që kjo të ndodhë, prokurorët e gjyqtarët të parët, duhet të dëshmojnë se janë shërbestarë në zbatim të ligjit e jo servilë të pushtetit!

Luan Rama, nënkryetar i LSI

(Postimi i Luan Ramës)

TAG:
• arta marku
• vettingu
• Luan Rama

Sondazhi i ditës:

Rithemelimi propozon rikthimin e koalicioneve të vjetra, a jeni dakord?

• Po

  18.9%

• Jo

  72.5%

• Nuk e di

  8.6%

Vota total: 2196

• Sondazhi i ditës:

  Rithemelimi propozon rikthimin e koalicioneve të vjetra, a jeni dakord?

  Po Jo Nuk e di