POP 5

Lajmet më të lexuara të 5 minutave të fundit

Politikë

Nënkryetari i PR për Report Tv: Në këshill duhet të kishim shkuar me draft, propozimet e PS-së tallje për klasën politike e ndërkombëtarët

Nënkryetari i Partisë Republikane Blendi Sulaj është i pari nga radhët e Opozitës së Bashkuar që kritikon mungesën e një drafti nga opozita jashtëparlamentare për listat e hapura 100%. Ai thotë se zgjedhjet po afrojnë ndaj opozita bashkuar duhet të paraqesë propozimet e saj në Këshillin Politik.

"Opozita jashtëparlamentare duhet të kishte shkuar me një draft në tryezën e Këshillit Politik." Është kjo kritika e parë që vjen nga radhët e aleatëve për mungesën e propozimeve nga opozita jashtëparlamentare.

Nënkryetari i Partisë Republikane, Blendi Sulaj në një intervistë për Report Tv thotë së shpreson që Opozita e Bashkuar të shtrojë sa më parë për diskutim në tryezën e Këshillit Politik propozimet e saj në formën e një drafti, ashtu siç ka kërkuar edhe negociatori socialist Damian Gjiknuri.

“Ne jemi për lista të hapura 100%, por nga ana tjetër kemi mazhorancën e  cila tha që jemi dakord për hapjen e listave, por pastaj solli një draft i cili ishte një tallje jo vetëm për klasën politike, por edhe për faktorin ndërkombëtar. drafti jonë I cili duhet të jetë I saktë se cilat janë propozimet tona për këtë situatë që jemi vënë përpara duhet të nisë sa më parë sepse nuk kemi shumë kohë, jemi pranë zgjedhjeve” - deklaron Sulaj.

Kërkesën për t'iu drejtuar OSBE/ ODHIR për t’i marrë ekspertizën  në lidhje me koalicionet parazgjedhore, Sulaj e konsideron të drejtë, pasi sipas tij demokracia në vendin tonë ende çalon.

“Të thërrasim për mendim OSBE/ ODHIR dhe të presim rekomandimet e tyre sesi mund të bëhet kjo situatë, sepse ne nuk I dimë të gjitha vetë, jemi prej 30 vitesh në demokraci të cilën e kemi patur vetëm fjalë, t'ia marrim atyre që kanë prej 100 vitesh në demokraci” - tha ai.

VIDEO-Intervista e plote

Rëndësi për republikanët ka maksimalizimi i votave, ndaj nënkryetari i kësaj force politike nuk përjashton as zgjedhje me një listë të përbashkët mes aleatëve të Opozitës së Bashkuar ndonëse beteja sipas tij është të mbrohen koalicionet parazgjedhore.

“Opozita i ka të gjitha mënyrat dhe po i bëjmë të gjitha projeksionet për të maksimalizuar votat. Si apo dhe me koalicionet. Një nga mënyrat më të mira për të maksimalizuar votat është bashkimi I emrave, I forcave në një listë që mund të jetë lista me emrat më të mirë të opozitës. Por ajo që duhet të bëjmë tani është të ruajmë koalicionet” - shprehet Sulaj.

Partia Republikane është gati për ti siguruar më shumë  mandate se zgjedhjet e kaluara Opozitës së Bashkuar . Sulaj  thotë se takimet në bazë kanë nisur prej 6 muajsh dhe janë aktivizuar të gjitha strukturat për të patur numër më të lartë të mbështetësve, për të cilët nuk ka frikë se mund të shohin si alternativë partitë e reja.

B.K./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46