POP 5

Lajmet më të lexuara të 5 minutave të fundit

Kultura

Nëntë muaj në kërkim të artistëve të ardhshëm, Adela Muçollari: Udhëtuam në 6 qytete, Shkodra vendi i talenteve! Galaja e 'We are all made of stars 2' në Opera

Të rinj të talentuar nga 6 qytete të Shqipërisë, performojnë sot në finalen e ‘We are all made of stars’. Solistja e parë e baletit, Adela Muçollari tregon rrugëtimin 9-mujor, nga audicionet tek finalja në Teatrin e Operas.

Të rinj të talentuar nga 6 qytete të Shqipërisë, performojnë sot në finalen e ‘We are all made of stars’. Solistja e parë e baletit, Adela Muçollari tregon rrugëtimin 9-mujor, nga audicionet tek finalja në Teatrin e Operas.

Pas 9 muajsh në kërkim të talenteve të reja, në 6 qytete të Shqipërisë, janë përzgjedhur të rinjtë që do të performojnë në finalen e edicionit të dytë të projektit “We are all made of stars”, të drejtuar nga Adela Muçollari.

“Ne kemi bërë audicionet në 6 qytete të Shqipërisë, përkatësisht në Tiranë, Shkodër, Durrës, Vlorë dhe Elbasan. Do të finalizojmë mbrëmjen gala me të gjithë të përzgjedhurit, është një rrugëtim shumë i gjatë. Kemi zhvilluar edicione 3-4 ditore dhe në çdo qytet përkatës, duke kërkuar talentet e reja, që të na bashkohen dhe pse jo dhe ata të kenë motivim dhe të jenë pjesë e një mbrëmje gala që do të zhvillohet në Teatrin e Operas dhe Baletit”, shprehet Solistja e Parë e Baletit, Adela Muçollari.

Me një larmishmi performancash në balet, kanto, instrument e aktrim, të rinjtë do të shfaqin sot në orën 18.00 talentin e tyre, ndërsa solistja e parë e baletit në Teatrin e Operas tregon më shumë për përzgjedhjen.

“Si edicioni i parë, edhe i dyti vijon me të njëjtin staf, kemi Kristi Bellon që është kompozitor, pedagog. Ai mbulon pjesën e instrumenteve, dhe kantos, kemi dhe Anxhelon që është gjysma ime tjetër për kërkimin e yjeve dhe për spikatjen e talenteve më të mira”, thotë më tej Muçollari.

Tregon se talente Shqipëria ka shumë, dhe ky projekt i dedikohet promovimit të tyre.

“Edicioni i dytë ka pasur më shumë interes se sa i pari, unë do të veçoj Shkodrën, që është qyteti i talenteve, Madje atje i mbajtëm dy herë audicionet, pasi kishte shumë të rinj që kërkonin të merrnin pjesë”, shprehet më tej solistja.

Pas edicionit të parë të mbajtur në Amfiteatër, ka qenë kërkesa e Muçollarit për t’u mundësuar këtyre të rinjve, të performojnë në skenën e madhe të teatrit të Operas, që është edhe shtëpia e saj e artit.

“Kësaj here finalja është në Teatrin Kombëtar të Operas dhe Baletit. Ishte dëshirë dhe kërkesë e imja, pasi artistët ëndërrojnë të debutojnë në skenën e madhe të Operas, dhe ky është një moment kur jepet kjo mundësi”, shprehet më tej Muçollari.

M.T//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Zgjedhjet në SHBA, mbyllen qendrat e para të votimit

Zgjedhjet në SHBA, mbyllen qendrat e para të votimit

6 Nëntor, 00:16