POP 5

Lajmet më të lexuara të 5 minutave të fundit

Kultura

“Nëntori i yjeve të artë”, homazh muzikor për LANÇ në TKOB. Në skenë muzika e filmave të njohur shqiptarë me temë luftën

“Nëntori i Yjeve të Artë” titullohet koncerti që vjen mbrëmjen e kësaj të mërkure në skenën e Teatrit të Operës dhe Baletit e që do të sjellë për të pranishmit muzikë me tematikë heroizmin dhe sakrificat gjatë Luftës Nacional-Çlirimtare.

“Nëntori i yjeve të artë”, homazh muzikor për LANÇ në TKOB. Në skenë muzika e filmave të njohur shqiptarë me temë luftën

Janë melodi të njohura dhe tepër të dashura për publikun, një pjesë e të cilave muzikë e filmave ikonikë shqiptarë me tematikë luftën Nacional-Çlirimtare. Kolonat zanore dhe këngët e filmave “Liri a vdekje”, “Në fillim të verës”, “Lulëkuqet mbi mure”, “Ngadhnjim mbi vdekjen”, “Tomka dhe shokët e tij”, “Vajzat me kordele të kuqe” apo “Dimri i fundit”, interpretohen sonte në Teatrin e Operës dhe baletit në koncertin “Nëntori i Yjeve të Artë”.

“Do të interpretohen nën vokalet e solistëve tanë, si Eva Golemi, Armando Likaj, Artur Vera. Kemi dhe diçka tjetër shumë speciale do të thosha: korin e zërave të bardhë. Fëmijët ilustrojnë kolonat zanore të filmave, siç është ‘Tomka dhe shokët e tij’, që gjithmonë e identifikojmë me imazhet e bukura të qytetit të Beratit, ‘Mëngjese lufte’.”, - shprehet dirigjenti Dritan Lumshi.

Përveç muzikës së filmave, publiku do të ketë mundësinë të shijojë edhe disa pjesë të tjera muzikore, si: “Fjalët e qiririt” nga Limos Dizdari, një fragment nga opera “Një jetë me stuhi” të Dhora Lekës, këngë partizane të Çesk Zadesë, muzikë nga Robert Radoja, Nikolla Zoraqi, Avni Mula e Feim Ibrahimi.

“E kemi përzgjedhur me kujdes, që programi të jetë sa më i dashur për publikun dhe në materiale, të cilat, ndoshta mund t’i këndojmë bashkë.”, - vijon Lumshi.

Pjesët do të vijnë të interpretuara nga solistët e Teatrit Kombëtar të Operës dhe Baletit, së bashku me Korin e Zërave të Bardhë, me shoqërimin e Orkestrës së Forcave të Armatosura, ndërsa në piano do të interpretojë Igli Rapaj.

 

 

B.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 29 Janar, 13:14

    Strategjia e SPAK për parandalimin e krimit elektoral, a do ketë sukses?

Lajme të tjera



×

Lajmi i fundit

Veliaj pret sekretarin e Përgjithshëm të PostEurop: Tirana, qendër aktivitetesh të mëdha në 2025

Veliaj pret sekretarin e Përgjithshëm të PostEurop: Tirana, qendër aktivitetesh të mëdha në 2025

30 Janar, 08:20