Nesër maratona e Tiranës
Ja rrugët që do të bllokohen

TIRANE - Maratona e Tiranës që do të zhvillohet nesër, do të bllokojë edhe një pjesë të madhe të rrugëve të kryeqytetit. Sipas Bashkisë së Tiranës, që është edhe organizatorja e këtij aktiviteti, rrugët nga do të kalojë maratona dhe që për pasojë do të jenë të bllokuara janë:

Nisja në orën 09:00, sheshi “Skënderbej”; kryqëzimi i “21 Dhjetorit”; kryqëzimi i rrugës “Bardhyl” me “4 Dëshmorët”; kryqëzimi i rrugës së “Kavajës” me ish “Uzina Enver”; rreth rrotullimi i Doganës; Kopshti Botanik; hyrja e Gardës; karburanti tek “Kinostudio”; hotel “Mondial” rruga “Muhamet Gjollesha”; përfundimi sheshi “Skënderbej”.

Pastaj kryqëzimi tek Blloku i Librit Universitar; kryqëzimi i sheshit “Willson”; kryqëzimi stadiumit “Dinamo”; kryqëzimi i “Komunës së Parisit”; tek kthesa e shkollës “Vasil Shanto”, djathtas përgjatë unazës; fundi i kryqëzimit në rrugën “Myslym Shyri” me dalje në unazë; kryqëzimi i “21 Dhjetorit”; kryqëzimi tek banka (stacioni i autobuzave për në Kombinat); kryqëzimi në hyrje të rrugës së Durrësit; rreth rrotulli i i Zogut të Zi si dhe kryqëzimi i Stacionit të Trenit.

(ek/shqiptarja.com)