POP 5

Lajmet më të lexuara të 5 minutave të fundit

Kosova & Rajoni

Nesër në Bruksel, raundi i 13-të
i bisedimeve Thaçi-Daçiç

Kryeministri i Kosovës, Hashim Thaçi dhe ai i Serbisë, Ivica Daçiç të hënën do të takohen në Bruksel, në kabinetin e Përfaqësueses së Lartë të BE-së për Politikë të Jashtme, Catherine Ashton, për të zhvilluar bisedimet e radhës mbi Marrëveshjen.
BRUKSEL - Kryemnistri i Kosovës, Hashim Thaçi dhe ai i Serbisë, Ivica Daçiç të hënën (më 8 korrik) do të takohen në Bruksel, në kabinetin e Përfaqësueses së Lartë të BE-së për Politikë të Jashtme, Catherine Ashton, për të zhvilluar bisedimet e radhës, bën të ditur "Koha Ditore" në Kosovë.

Gjatë këtyre bisedimeve, raundit të 13-të me radhë, siç raporton agjencia serbe e lajmeve Tanjug, do të shqyrtohet zbatimi i Marrëveshjes për normalizimin e marrëdhënieve Prishtinë-Beograd, është kumtuar nga kabineti i Ashton.

Baronesha Ashton, sipas paralajmërimeve nga Brukseli, një ditë pas (të martën, më 9 korrik) do të vizitojë Beogradin, ku me krerët e Serbisë do të bisedojë rreth zbatimit të Marrëveshjes, ndërsa të mërkurën Baronesha do të qëndrojë në Kosovë, ku po temë të bisedimeve me autoritetet kosovare do të jetë zbatimi i Marrëveshjes.

Redaksia Online
(mag/shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Efektivi bie nga lartësia e pallatit në Tiranë, dërgohet te Trauma! Nuk dihen shkaqet

Efektivi bie nga lartësia e pallatit në Tiranë, dërgohet te Trauma! Nuk dihen shkaqet

15 Janar, 18:35