Nesër në "Shqiptarja.com" intervistë
ekzluzive e Mogherinit para vizitës në Tiranë

Ministrja e Jashtme e Italisë Federica Mogherini do të zhvillojë nesër një vizitë zyrtare në Tiranë, ku do të takohet me krerët e politikës shqiptare. Ekskluzivisht për gazetën “Shqiptarja.com” shefja e diplomacisë italiane ka dhënë një intervistë para vizitës së saj në Tiranë, shkrim i cili do mund të lexohet nesër në gazetë.
 
Ministrja Mogherini, në intervistën e dhënë për gazetarin Carlo Bollino, vlerëson miqësinë dhe konsideratën për kryeministrin Edi Rama.
 
Ministrja ka vlerësuar edhe operacionin e policisë në Lazarat, si dhe punën e bërë nga policia dhe ministri Saimir Tahiri në çlirimin nga droga të fshatit famëkeq. Mogherini është ndalur edhe në ndihmën që mund të japë Roma në dialogun mazhorancë-opozitë, sa i përket reformave më të rëndësishme të vendit.
 
Sa i përket investimeve italiane në Shqipëri Federica Mogherini thekson se krahas të tjerave, pjesë e vizitës së saj është edhe nënshkrimi i protokollit për ndihmat në vlerën e 81.7 mln euro, si dhe perspektivat e investimeve italiane në energji e telekomunikacion.

Detaje më të plota të intervistës ekskluzive të ministres së jashtme italiane do të mund t’i lexoni nesër në “Shqiptarja.com”.

Redaksia Online
(e.c/shqiptarja.com)

TAG:
• lazarat
• carlo bollino