Shtëpia e vogël në fshatin Vardallë të Sukthit, për më shumë se një vit po përjetonte një dhimbje të madhe. Më saktë, gruaja, nëna, bashkëshortja, punëtorja e fazonerisë, 41 vjeçarja që i dha fund jetës sepse, siç thonë të afërmit e saj më të afërt, “ndihej e turpëruar nga një denigrim i vazhdueshëm në rrjete sociale me etiketime të ndryshme”, bërë nga njerëz që ata vetë i kanë identifikuar.
Dikush me të drejtë ia drejton gishtin policisë, Shtetit, që është treguar i paaftë të mbrojë një grua, me indiferencën e zakonshme ndaj përmasave dhe ngjarjeve të tilla: “Punë Tik-Toku!, Punë Facebook-u!” apo më keq “punë grash”, ose siç thuhej dikur “punë gazetash”, “punë televizionesh”!
Por, në të vërtetë, nuk ka Shtet, nuk ka polic, nuk ka familje që mund të mbrojë nga urrejtja, kur ajo nis e zmadhohet si një ortek që ka peshën gjithnjë e më gjigande sa më e vogël të jetë lagjja, sa më i vogël e i izoluar fshati, qyteti, vendi e sa më i madh kurioziteti i sëmurë. Pesha e ofendimeve, shpifjeve, sharjeve, manipulimeve, intrigave, është shumë më e rëndë sa më e ngushtë të jetë provinca e cila ndonjëherë prodhon ego gjigande që ushqehen me thashethemet e kafeneve, grupimeve klanore primitive, e kalojnë direkt lehtësisht on line.
Po si shpëtohet nga kjo grackë sociale? Kush e ka çelësin në dorë? A do të shpëtonin fëmijë, vajza, nëna, gra nëse në çdo shtëpi, do të kishte një ruajtës nga urryesit patologjikë? Teknikisht mundësitë janë dhe policia dhe strukturat shtetërore i kanë të gjitha mjetet të identifikojë urryesit edhe të fshehur në anonim, por nuk e ka bërë.
Është e pamundur të sigurohet një mbrojtje totale, ndërsa një mbrojtje e mirë mund të jepet nga ne të gjithë: Duke izoluar sharësit, urrejtësit, shpifësit, denigruesit! Askush nuk ka as më të voglën të drejtë të dhunojë sistematikisht askënd! Është e lehtë për secilin prej nesh të mos lejojmë askënd të denigrojë dy herë të njëjtin person kur ai nuk është prezent, kur nuk mund të mbrohet. A ua keni thënë në sy këtyre tipave: Mjaft?! A iu keni kthyer kurrizin kur këta urryes serialë ju kanë folur keq për këtë, pastaj për atë, pastaj për atë tjetrin dhe nëse ju nuk bëheni “bashkëpunëtorë” në sharje e denigrime ju kanë sulmuar dhe ju?
Në këtë pikë nis trimëria e të gjithëve, nëse trimëri mes nesh ende ka: Izolojini urryesit! Mos ushqeni egon e sëmurë që i karakterizon. Do ta vazhdojnë zanatin e tyre edhe për ca kohë, disa, edhe për shumë kohë; të tjerë, deri në vdekje, por injorimi i tyre nga secili prej nesh do të thotë se kemi bërë një shoqëri të qytetëruar, ku shpifja, urrejtja, manipulimi, thahen, zhduken, ndërojnë apo nuk gjejnë vend! Dhe siç populli ynë e thotë me mençuri: uthulla e thartë gërryen enën e vet. Nëse veprojmë të gjithë, kjo gjë do të ndodhë si mrekulli!
Komente
Lajme të tjera
-
Aksident në autostradën Durrës-Tiranë, humb kontrollin e mjetit dhe del nga rruga! Vdes 20-vjeçari, nesër festonte datëlindjen
18 Nëntor, 08:41 -
Durrës/ Plagoset me thikë një i ri në Sukth, dërgohet në spital! Policia po punon për sqarimin e ngjarjes (EMRI)
26 Shtator, 13:35 -
Rriten kostot e rrugëve/ Zgjerimi i Tiranë-Durrës 298 mln euro, dyfishohet fatura për Ndroq-Plepa e Baypass-in e Elbasanit! ‘Ngec’ projekti i Skavicës
18 Gusht, 19:20
-
Durrës/ Aksident në aksin Sukth-Maminas, përplasen 4 automjete, dy persona të lënduar
14 Korrik, 20:28 -
Zbulohet tjetër bazë armësh në Durrës, u shërbente grupeve kriminale! Në pranga pronari i shtëpisë! I kishte fshehur në sënduk e makinë qepëse (VIDEO)
11 Mars, 10:20 -
Psikologia Klinike Entela Isufi: Si të dalloni që fëmija juaj bullizohet dhe cfarë duhet të bëjnë prindërit?
9 Mars, 21:24
-
Të tallur dhe të dhunuar, kriza e bullizmit në shkollat shqiptare
27 Shkurt, 07:01
-
VIDEO/Altin Çoku në gjykatë, akuzohet se shkaktoi vetëvrasjen e 27 vjeçares në Kamëz! Zbardhet dëshmia në Gjykatë
15 Shkurt, 09:48 -
Arrestohet se nxiti vetëvrasjen e 27 vjeçares, personazhi i Tik Tokut, Altin Çoku, vite më parë, tentoi të digjte kushëririn e tij
13 Shkurt, 11:16 -
Tiranë/ E reja vetëvritet pasi i publikuan foto intime në rrjetet sociale! Pranga personazhit të TikTok-ut, më parë shantazhoi edhe një vajzë tjetër
12 Shkurt, 08:33 -
80 fëmijë denoncuan në 2023 se janë kërcënuar në internet! Shefi i Sigurisë Kibernetike: Kryeson bullizmi ndaj fëmijëve, 4-fishim i rasteve
6 Shkurt, 17:51
-
Bullizimi në Tik Tok? Eksperti: Algoritmi ka vështirë të identifikojë ofendimet në shqip! Sociologia: Të rritet ndërgjegjësimi
31 Janar, 15:41
Po çfarë të themi ne moj zonjë kur për të ndjerën më shumë rëndësi kishte "nderi" në tik tok sesa 4 fëmijët e saj???
PërgjigjuJo nese duam!Shumica e kesaj shoqerie eshte e degraduar keshtu qe nje pakice e mire nuk mund te vere ne binare nje shumice te ndyre!
Përgjigju