Konflikti i armatosur në Ukrainë do të japë efekte edhe në ecurinë ekonomike të Shqipërisë. Pas FMN, BERZH, KE dhe Institutit të Vjenës, në raportin e publikuar sot Banka Botërore thotë se pasiguria në lidhje me luftën do ngadalësojë ekonominë e Shqipërisë. Rritja ekonomike për këtë vit sipas raportit do të zbresë në 3.2%, nga 8.5% që ishte rritja në vitin e kaluar.
“Pasiguria në lidhje me luftën në Ukrainë po ndikon në stabilitetin e çmimeve dhe rritjen ekonomike, ritmi i së cilës pritet të ngadalësohet në 3.2 për qind në vitin 2022 nëse faza kritike e krizës arrin të qetësohet në tremujorin e dytë të vitit”, vlerëson Banka Botërore.
Ekspertët e Bankës Botërore vlerësojnë se çmimet do të vazhdojnë të rriten në rast se lufta vijon, ndërsa paraprakisht parashikohet se inflacioni do të jetë 5%.
“Kriza në Ukrainë, në rast se zgjat, mund të ndikojë në ekonominë shqiptare nëpërmjet disa kanaleve të transmetimit. Çmimet e larta të mallrave, veçanërisht të naftës dhe drithërave, pritet të jenë kanali kryesor i transmetimit të goditjeve. Çmimet e larta të energjisë pritet të çojnë në rritje të çmimeve të transportit dhe të shkaktojnë rritje të mëtejshme të çmimeve tek mallrat e tjerë të shportës së konsumit. Inflacioni pritet të përshpejtohet në rreth 5 për qind në vitin 2022 krahasuar me parashikimin prej 3 për qind sipas skenarit të zhvilluar para konfliktit. Me rritjen e kostove të importit, deficiti i llogarisë korente ka të ngjarë të rritet në 9.6 për qind të PBB-së”, thuhet në raport.
Këto ccmime të larta sipas bankës do të reduktojnë konsumin e popullatës nga 4.5% në vitin e shkuar në 2% këtë vit.
“Duke qenë se çmimet e larta ndikojnë në rënien e fuqisë blerëse të familjeve dhe rritjen e kostove për bizneset, edhe parashikimet për rritjen ekonomike janë gjithashtu më të ulëta. Nëse rritja e çmimeve të energjisë reflektohet në rritje të çmimeve të importit të energjisë elektrike, kjo goditje mund të përkeqësojë situatën financiare të NSH-ve të energjisë elektrike. Kjo mund të rrisë rreziqet fiskale nga këto ndërmarrje”, vijon më tej raporti.
Kjo rritje e çmimeve dhe shtimi i kostove që ka ardhur si pasojë e luftës në Ukrainë, sipas ekspertëve të Bankës Botërore rrezikon të përkeqësoj edhe borxhin publik të vendit.
“Borxhi publik pritet të stabilizohet në 73.9 për qind të PBB-së në vitin 2022, përpara se të ulet gradualisht në periudhë afatmesme. Megjithatë, hapësira fiskale mund të përkeqësohet akoma më shumë sipas një skenari negativ, ku lufta vazhdon për një periudhë të zgjatur duke çuar në ngadalësim të mëtejshëm të rritjes ekonomike të BE-së dhe si rrjedhojë në rënie të eksporteve shqiptare drejt partnerëve më të rëndësishëm tregtarë në BE që përbëjnë 60 për qind të eksporteve të saj. Në këtë rast, qeverisë mund t’i duhet të shkurtojë shpenzimet kapitale për të parandaluar një rritje të raportit të borxhit ndaj PBB-së. Për më tepër, duke qenë se Shqipëria po mbështetet gjithnjë e më shumë në burimet e jashtme të financimit, rreziqet e kursit të këmbimit, normës së interesit dhe rifinancimit mbeten të larta. Një prioritet kyç i reformës afatmesme është nevoja për rritur mbledhjen e të ardhurave dhe për të realizuar konsolidimin fiskal, duke mundësuar në të njëjtën kohë kryerjen e shpenzimeve të konsiderueshme që forcojnë rritjen ekonomike”, thuhet ndër të tjera në raportin e BB.
Banka Botërore ka publikuar sot Raportin e Rregullt Ekonomik për Ballkanin Perëndimor, 2021, i titulluar Manovrim mes krizash. Sipas raportit rritja ekonomike në rajonin e Ballkanit Perëndimor arriti në 7.4 për qind në vitin 2021, pas një tkurrjeje prej 3.2 për qind në vitin 2020. Ky rikthim në norma pozitive i rritjes ekonomike u shoqërua me një rritje të ndjeshme të vendeve të reja të punës, ku kërkesa për punësim solli ulje të varfërisë në të gjashtë ekonomitë e Ballkanit Perëndimor.
Ndërsa ekonomia e Shqipërisë sipas bankës u rimëkëmb fuqishëm nga kriza e COVID-19 ne vitin 2021. Rritja vlerësohet në 8.5%, ndërsa shkalla e varfërisë ka rënë ndjeshëm nga 31.3% në 22%. Por rritja e inflacionit mund të zvogëlojë rritjen e të ardhurave në familjet e varfra dhe të cenueshme, duke ndikuar ritmin e uljes së varfërisë.
“Viti 2021 shënoi rimëkëmbje të shpejtë të ekonomisë. PBB-ja reale u rrit me 8.5 për qind, duke u rikuperuar plotësisht nga recesioni i shkaktuar nga pandemia. Shpenzimet publike dhe kërkesa e fortë private, të nxitura nga mbështetja e vazhdueshme e politikave monetare dhe fiskale, ishin faktorët kryesorë që udhëhoqën rritjen ekonomike. Kërkesa e brendshme kontribuoi me 9.4 pikë përqindje në rritjen ekonomike, 4.7 pikë përqindje e së cilës ishte kontribut i konsumit privat, i cili u rigjallërua si rezultat i përmirësimit të besimit të konsumatorit, uljes së pasigurisë në lidhje me pandeminë dhe rritjes së të ardhurave të disponueshme nëpërmjet rritjes së pagave dhe kredive bankare. Ndërkohë që eksportet u zgjeruan me 61.8 për qind në vitin 2021, kontributi i eksporteve neto në rritjen ekonomike ishte negativ për shkak të rritjes së lartë të importeve”, thuhet në raport.
Kreditimi për sektorin privat u rrit fuqishëm gjatë vitit 2021 si për bizneset ashtu edhe për individët. Po kështu, depozitat bankare vijuan të zgjerohen me 10.3 për qind, ku kursimet e individëve përbëjnë rreth dy të tretat e rritjes së totalit të depozitave në sistemin bankar. Investimet e huaja direkte u rritën në vitin 2021, duke arritur në 6.4 për qind të PBB-së si rezultat i investimeve në industrinë nxjerrëse, sektorin bankar dhe atë të telekomunikacioneve. Rritja e fortë e të ardhurave solli ngushtim të deficitit fiskal në 4.5 për qind të PBB-së.
Lajme të tjera
-
FMN i kërkon Bankës së Shqipërisë të ruaj regjim të lirë të kursit të këmbimit! Sejko: Familjet e bizneset në gjendje të mirë financiare
14 Nëntor, 14:01 -
Eksperti i Bankës Botërore: Shqipëria dhe Kosova të përqëndrohen në diversifikimin e ekonomive të tyre
31 Tetor, 19:40 -
Sejko në Uashington, takim me shefin e FMN-së për Shqipërinë: Inflacioni është në nivelet më të ulëta
26 Tetor, 10:03 -
FMN optimiste: Ekonomia e Shqipërisë rritet me 3.3% këtë vit! Turizmi e ndërtimi ‘motorët’ kryesorë
24 Tetor, 10:17
-
Ekonomia këtë vit rritet me 3.3%, por sfidë serioze emigrimi! Banka Botërore: Kapitali njerëzor bërthama e zhvillimit të Shqipërisë në të ardhmen
17 Tetor, 18:59
-
136 milionë Euro granti i BE për rehabilitimin e hekurudhës Vorë-Hani i Hotit! Qeveria miraton marrëveshjen me BERZH-in
25 Shtator, 18:45 -
Rama drejt Brukselit, pritet të takohet me kreun e KE Von der Leyen
18 Shtator, 19:56
-
SHBA mbështet SPAK: Punë të shkëlqyer! Përfaqësuesja e DASH në Tiranë: Mbani korrupsionin nën kontroll të anëtarësoheni në BE
16 Shtator, 12:22
-
Banka Botërore këshillon qeverinë: Riktheni emigrantët! Eksperti: Do duhet të paktën 1 dekadë, të 'joshen' me ndryshime në tregun e punës, arsim e paga
12 Gusht, 21:47
-
"Riktheni emigrantët, diaspora ‘shpresë’ për zhvillimin teknologjik të Shqipërisë", BB: Investoni në teknologji, inovacion dhe arsimim
6 Gusht, 12:30
-
Fatos Çoçoli: Pse BE na dhuron 136 milionë euro?
28 Korrik, 09:06
-
Delegacioni i BERZH në Tiranë, takon ministrin e Financave Ervin Mete
24 Korrik, 12:22
