Nesër Inter - Milan, 15 kuriozitetet dhe statistikat që nuk i dinit për derbin e 'Madonninës'

Interi dhe Milani luajnë nesër në 18:00 për javën e katërt në Serie A. Zikaltërit dhe kuqezinjtë do të jenë në fushë së bashku për herë të pestë në vitin 2023. Nuk ka ndodhur kurrë që dy skuadrat të jenë përballur kaq shumë në një vit kalendarik. I pari, por jo i vetmi, në një sërë kuriozitetesh për derbin e 238-të të Milanos. Këtu janë të gjitha të dhënat, duke përfshirë fitoret e para, përvjetorët, rekordet e mundshme, kohët e veçanta, lojtarët dhe gjyqtarët.

-Do të jetë derbi i 238-të mes Interit dhe Milanit duke përfshirë të gjitha garat. Bilanci është në favor të zikaltërve: 89 fitore kundrejt 79 të Milanit, plus 69 ndeshje që kanë dalë barazim. Mes derbit të parë dhe atij të nesërm, 16 shtator, kanë kaluar 114 vite.

-Ky është derbi i pestë në vitin 2023, kaq shumë nuk janë luajtur kurrë në një vit kalendarik. Kjo do të jetë e dyta në kampionat, përveç dy gjysmëfinaleve të Ligës së Kampionëve dhe ajo e vlefshme për Superkupën e Italisë sezonin e kaluar.

-Deri më tani të gjitha derbet e vitit 2023 janë fituar nga Interi. Interi me ndeshjen e nesërme ka mundësinë të fitojë pesë derbe radhazi për herë të parë në historinë e tyre. Ndërkohë, me katër fitore ka vendosur tashmë rekordin në ndeshje.

-Milani pëlqen derbin të shtunën në orën 18:00. Nga sezoni 2016/2017,  Milani ka fituar vetëm katër nga 24 derbet e luajtura, një në Kupën e Italisë dhe tre në Serinë A. Derbet e fituara në ligë, të gjitha erdhën në ndeshjet e luajtura të shtunën në orën 18:00,  si ai nesër. Inter-Milan 1-2 më 17.10.2020,  Inter-Milan 1-2 në 5.02.2022 Milan-Inter 3-2 më 3.09.2022.

-Rezultati më i zakonshëm. Inter-Milan ka përfunduar 1-1 plot 27 herë, rezultati më i shpeshtë në derbin e Milanit. Hera e fundit ishte më 7 nëntor 2021, me penalltinë e ish-lojtarit Calhanoglu dhe barazimin e kuqezinjve me një autogol të de Vrij.

-Duket e çuditshme, por është hera e parë që Interi dhe Milani janë përballur me njëri-tjetrin, duke ndarë të vetëm kryesimin e tabelës. Kishte ndodhur tashmë më 4 shkurt 1962 (2-0 për Interin), por me atë rast Fiorentina mori rolin e “udhëheqëses së tretë” me pikë të njëjta. Titulli u fitua nga kuqezinjtë atë sezon.

-Hera e fundit që Interi dhe Milani u përballën me të njëjtat pikë në renditje daton në 11 maj 2001 . Ishte derbi i famshëm i fitores 6-0 të kuqezinjve. Skuadrat kishin 44 pikë dhe ndanin vendin e pestë. Sidoqoftë, në fund të vitit, Interi përfundoi i pesti dhe Milani i gjashti.

-Që nga ndeshja e parë e derbit të fituar vitin e kaluar, kuqezinjtë nuk kanë arritur më të përmbysin një ndeshje pasi kanë pësuar të parët. Atëherë Milani pranoi golin e Brozovicit, por arriti të rikthehet me gjuajtjen e Giroud dhe Leaos. Goli i dytë i Dzekos për Interin.

-Në 10 derbet e fundit, përveç barazimit 0-0 në Kupën e Italisë në vitin 2022, ka qenë gjithmonë Interi ai që ka shënuar golin e parë të ndeshjes. Epërsinë e fundit, të parën e Milanit e shënoi Ibrahimovic në çerekfinalet e Kupës së Italisë 2021. Megjithatë, ndeshja u fitua 2-1 nga Interi me një penallti të Lukakut dhe një goditje dënimi nga Eriksen.

-Milani nuk ka humbur asnjë ndeshje pasi ka kaluar me dy gola epërsi që nga derbi i 9 shkurtit 2020.  Golat e Rebiç dhe Ibrahimovic në pjesën e parë u pasuan nga një rikthim i zikaltërve me Brozovic, Vecino, de Vrij dhe Lukaku.

-Lautaro Martinez ka shënuar tashmë 8 gola kundër Milanin (4 në ligë, 2 në Kupën e Italisë dhe nga 1 në Champions League dhe Superkupë). Te Inter, vetëm Giuseppe Meazza (12) dhe Stefano Nyers (11) kanë më shumë gola kundër kuqezinjve.

-Giroud, me tre gola dhe 1 asist u përfshi në katër gola ndaj zikaltërve. Që nga ardhja e tij në Itali, ai nuk ka bërë më mirë kundër asnjë ekipi.

-Ish-lojtari i Milanit që tanimë është pjesë e Interit, Hakan Calhanoglu shënoi 32 gola dhe dha 42 asistime në katër vitet e tij me kuqezinjtë. Asnjë lojtar i AC Milan nuk ka bërë më mirë në të njëjtën periudhë.

-Sfidat e ish-ëve. Inter fiton 3-1. Veç Calhanoglu, zikaltërit kanë në skuadër edhe Darmian dhe Acerbi që kanë luajtur për Milanin. Tek kuqezinjtë i vetmi ish është trajneri, Stefano Pioli. Megjithatë, gjatë historisë ka pasur shumë kampionë që i kanë veshur të dyja fanellat.

-Ndeshja iu besua Simone Sozza, ai do të jetë arbitri i parë milanez (nga lindja, por me banim në Seregno, në provincën e Monza-Brianza) që do të gjykojë derbin e "Madonnina". Ekziston një precedent interesant, në vitin 1977 një derbi që përfundoi 0-0 u arbitrua nga Paolo Casarin, i lindur në Mestre (Venecia), por më pas u transferua në Milano dhe iu bashkua seksionit milanez të arbitrave.

S.DH/Shqiptarja.com

TAG:
• Milan
• Inter
• serie a