POP 5

Lajmet më të lexuara të 5 minutave të fundit

Dosje

Nexhmije Hoxhën, si e njoha kur isha gardiane në burgun e Tiranës! Flet këngëtarja Vera Picari: Nuk e hante kurrë ushqimin e qelisë! Më thoshte shpesh herë ik nga këtu

Dëshmia interesante e Vera Picarit në emisionin "Esencë" në Report Tv: 'Për Nexhmije Hoxhën më vinte keq.Më thoshte shpesh herë ik nga këtu'

Vera Picari është nga ato zonja që ka bërë çdo gjë në jetë për të mbajtur të gjallë familjen e saj. Sakrifica nga ato që dinë ti bëjnë vetëm nënat. Ka pasur në jetë raste dhe vështirësi të ndryshme, ama kurrë nuk është dorëzuar. Sot punon dhe jeton mes Londrës-Italisë dhe Tiranës.

Përveç punës së saj të përditshme, pasioni i Verës sot e mot është i lidhur ngushtë me muzikën. Përballë Eljan Taninit për emisionin 'Esencë' që transmetohet çdo të martë dhe të premte në ekranin e Report Tv, ish gardiania e burgut dhe sot  këngëtarja e hareshme Vera Picari kujtoi vitet  kur punonte si gardiane burgu

Isha 19 vjeçe kur u bëra gardiane burgu! Baba kishte folur për këtë punë, unë u gëzova shumë kur më dha lajmin. Nuk e di pse u gëzova, por u gëzova dhe e prita mirë! Burgun 313 e kisha pranë shtëpisë, nuk më shkonte kurrë në mendje të punoja atje! Ishim katër gardiane gra që punonim sipas turnit. Është diçka e vështirë, qëndron mbyllur e izoluar në burg, megjithëse është puna e tillë. Te burgu 313 fillova si gardiane burgu deri në vitin 1993, pastaj ika në Itali.” – u shpreh ajo për punën e saj të parë. 

Te 313 iu desht të qëndronte pranë të vesë së ish diktatorit.

Për Nexhmije Hoxhën më vinte keq. Kishte ditë që flinsim, komunikonim, kishte ditë që nuk flisnim fare. Ajo ankohej shumë për vetë faktin se mosha e saj nuk duhet të ishte atje në atë burg, ishte padrejtësi. Shpesh herë kërkonte përgjigje prej meje. Megjithëse shpesh herë në shtëpi nuk kishim, mamaja e ndante vezën në tre-katër pjesë, prapë për Nexhmijen më vinte keq, e kam ndihmuar atë vetëm për njerzillik! Për shkak të kushteve të ndryshme, kur ftohej ca çaji që i sillja, ajo mërzitej. Më thoshte shpesh herë ik nga këtu. Në atë kohë po në atë burg ishte edhe Ramiz Alia, Fatos Nano dhe Hekuran Isai" tregoi këngetarja Vera Picari. 

 Sot ajo është kthyer në Tiranë për të bërë këngët dhe klipet e mia.

"Jam e lidhur me Shqipërinë, jo vetëm për familjen por edhe për muzikën që krijoj, sidomos tabanin"


Për më shumë shikoni emisionin në youtube me titull "Nexhmije Hoxhën, ja si e njoha në Burgun e Tiranës"

Nese keni një histori të bukur apo të veçantë për të treguar me nostalgji, apo doni të rrëfeni kontributin tuaj në çdo fushë për Shqipërinë dhe shqiptarët studio e ‘Esencë’ në Report Tv ju mirëpret! Na kontaktoni ose na shkruani në whats app në numrin e telefonit 0693508323.

S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Maks: 11/11/2023 21:05

    U denua nje heroin per kafe Nuk denohet nje hajdut e kriminel si Berisha e meta me kompani qe i kan bere gjemen ketij vendi

    Përgjigju
  • Grushti: 11/11/2023 14:32

    Lerini moj te prehen e qete qe slini rast pa i zene ne goje Enverin e Nexhmien. Flisni aty per veten qe ne fakt shume pak ju degjojne dhe lerini te qete te vdekurit.

    Përgjigju
  • Landi: 11/11/2023 08:04

    Mir mo !për Nexhmijen nuk kishte moshë për ta arrestuar për kafe! Përse nuk arrestohet Berisha?

    Përgjigju
  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Deputeti i LDK: Veprimet e qeverisë Kurti, e kanë kthyer presionin e Perëndimit ndaj Kosovës

Deputeti i LDK: Veprimet e qeverisë Kurti, e kanë kthyer presionin e Perëndimit ndaj Kosovës

27 Nëntor, 22:16