Nga 28 marsi nisin fluturimet direkte për herë të parë Tiranë - Dubai

Vetëm pak javë pas kalimit të 100% të aksioneve të aeroportit Ndërkombëtar të Rinasit tek kompania shqiptar, TIA, njofton fillimin për herë të parë të fluturimeve Tiranë-Dubai.  Në kontratën koncesionare të ndryshuar qeveria e vuri si kusht zgjatimin e pistët dhe garantimin e fluturimeve trans-oqeanike. Fluturimet drejt Dubait do të nisin 28 mars.

Aeroporti Ndërkombëtar i Tiranës (TIA) njofton fillimin e fluturimeve direkte me Aeroportin Ndërkombëtar të Dubait (DBX) dhe anasjelltas, duke filluar nga data 28 Mars 2021. Linja ajrore me bazë në Dubai, Flydubai, do të operojë dy herë në javë, të Enjteve dhe të Dielave, me një Boeing 737.

Flydubai do të jetë linja e parë me qendër në Dubai që ofron fluturime direkte në këtë itinerar.

Fluturimet do të nisen nga TIA në 13.30 të pasdites duke arritur në DXB në 21.55 të darkës, të orës lokale. Fluturimi i kthimit niset në 9:35 të mëngjesit, ora lokale, nga Dubai dhe arrin në TIA në 12.30 të drekës.

Kompania ajrore Emirates do të operojë tranzit së bashku me kompaninë Flydubai duke u ofruar udhëtarëve më shumë lidhje pa ndërprerje përmes qendrës ndërkombëtare të aviacionit të Dubait në 155 destinacione duke përfshirë Australinë, Kinën, Oqeanin Indian, Japoninë dhe Azinë Jugore.

Për orarin e plotë dhe çmimet, ju lutemi vizitoni: https://www.flydubai.com/en/plan/timetable ndërkohë që biletat janë në shitje nga 10 Mars 2021.

I.K./b.ha./Shqiptarja.com
  • Sondazhi i ditës:

    Turizmi/A jeni të kënaqur me shërbimet dhe çmimet që gjeni në zonat turistike?

Komento


×

Lajmi i fundit

John

Plagosja e 52-vjeçarit në Dukagjin, Policia jep detaje për dinamikën e ngjarjes: Nuk iu bind urdhrit të RENEA-s për të ndaluar dhe tentoi të largohej