POP 5

Lajmet më të lexuara të 5 minutave të fundit

Ekonomi

Nga 65.8% që ishte në fund të 2019, borxhi ka arritur në 80.02%! Rritet ‘barra’ për qytetarët

Borxhi publik i vendit shkon në 80, 02% të prodhimit të brendshëm bruto. Duke thyer edhe limitin e vendosur nga qeveria për këtë vit. Nga 9 miliardë euro që ishte në fund të vitit 2019, tashmë në 6 muaj ka arritur në 10.2 miliardë euro.

TIRANË- Kanë mjaftuar 4 muaj pandemi që borxhi publik në vend të arrij nivelin më të lartë historik. Ministria e Financave raporton se 6-mujori i parë i vitit, është mbyllur me një borxh që e kalon 80% të Prodhimit të Brendshëm Bruto.

Stoku i borxhit më 30 qershor të këtij viti arriti në 1.26 trilionë lekë, ose 10.2 miliardë euro, nga 1.16 trilionë që ishte në fund të vitit 2019. Ndërsa në përqindje nga dhjetori i vitit të shkuar e deri fund të qershorit borxhi është rritur me 14.18%, ose1 miliardë euro , duke kapërcyer të gjitha pritshmëritë e qeverisë.  

Në rishikimin e fundit të buxhetit në muajin korrik Ministria e Financave vendosi si tavan nivelin e 80% për vitin 2020, si pasojë e nevojave që lindën nga pandemia COVID-19. Ky nivel tashmë është kapërcyer, ndërkaq që situata e krijuar ekonomike vijon të kërkojë më shumë financim.

Ndryshe nga tremujori i parë, në tremujorin e dytë të vitit është rritur niveli i borxhit në valutë të huaj, si pasojë e kredive të marra nga vendet e huaja si për pandeminë ashtu edhe për rindërtimin. Vlen të theksohet se detyrimet në valutë rrisin më tej rrezikun e shlyerjeve për shkak të luhatjeve në kursin e këmbimit.

Përpos kredive të marra nga jashtë, edhe garancitë sovrane të vëna në dispozicion të bizneseve në vlerën e 210 milionë eurove të cilat rrisin më tej borxhin deri në momentin që të fillojë shlyerja e tij.

Në finale sipas ekspertëve ky është borxh i qytetarëve. Nëse bëjmë një përllogaritje të raportit të borxhit për frymë, në bazë të numrit të popullsisë nga dhjetori deri qershor detyrimi u rrit me 422 euro për person. Aktualisht detyrimi për frymë për 2.8 milionë banor që ka vendi arrin në 3584 euro për person.

B.K./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Pushteti: 17/08/2020 00:50

    Edhe prape kerkoni mandat qeverises ju mafjoze, edhe prape vazhdoni me shpenzime maramendese me koncesione, me rruge qe kushtojne tre here me shume se ne gjermani, edhe prape keni surrat dilni neper tv e beni propogande, edhe prape shtoni pasurine me gjakun tone.....kjo eshte cmenduri! Edhe ju mediat qorre te pushtetit keto artikuj nxirini ne faqe te pare mos nxirrni ne krye te lajmit ate zdromsin turi nxire nga vakanca e dielli gushtit.

    Përgjigju
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

I shpallur në kërkim ndërkombëtar, arrestohet 34-vjeçari në Britani! GJKKO i kishte vënë masën 'Arrest në burg' për grup të strukturuar kriminal (EMRI)

I shpallur në kërkim ndërkombëtar, arrestohet 34-vjeçari në Britani! GJKKO i kishte vënë masën 'Arrest në burg' për grup të strukturuar kriminal (EMRI)

11 Janar, 19:27