POP 5

Lajmet më të lexuara të 5 minutave të fundit

Kultura

Nga filmat francezë te gastronomia 
marsi vjen ndryshe për shqiptarët

Muaji mars sjell kulturën franceze kudo në Shqipëri falë vemendjes të Ambasadës Franceze për vendin tonë. “Pranvera e Frankofonisë në Shqipëri” është një mundësi për të gjithë shqiptarët që të zbulojnë larmishmërinë e ideve, vlerave të francezëve gjatë gjithë muajit.  VIDEO
Muaji mars sjell kulturën franceze kudo në Shqipëri falë vemendjes të Ambasadës Franceze për vendin tonë.

“Pranvera e Frankofonisë në Shqipëri” është një mundësi për të gjithë shqiptarët që të zbulojnë larmishmërinë e ideve, vlerave të francezëve gjatë gjithë muajit. Nga shfaqjet teatrale, filmat, muzika franceze deri tek gastronomia, çdo ditë e muajit Mars do të jetë ndryshe, ku finesa parisiene do jetë shoqëruesja juaj. Drejtoresha e Arkivit Qendror Shtetëror të Filmit, Iris Elezi ka një ftesë për të gjithë të interesuarit. 

“Tjetër pjesë e mrekullueshme e çfarë Franca i ka ofruar botës është pikërisht kinemaja. Arkivistja thotë se nuk ka filma të vjetër apo të rinj, ka vetëm filma që i kemi parë ose nuk i kemi parë. Falenderoj edhe njëherë bashkëpunimin me Frankofoninë në Shqipëri sepse do të keni mundësi të shikoni 4 filma që do ju bëjnë të mendoni. Pavarësisht të gjithave ju lutem ejani, në 6:30 çdo të premte në Arkivin Shtetëror të Filmit", tha Elezi.

Frankofonia është një komunitet prej 84 vendesh dhe me 274 milion folës të gjuhës frënge në të 5 kontinentet. Risia që vjen në “Pranverën e Frankofonisë” është përurimi i sallës franceze të leximit në Bibliotekën Kombëtare më 5 mars. Një bashkëpunim ky i Ambasadës Franceze me Bibliotekën Kombëtare për t’i ofruar publikut një sallë leximi ku shqiptarët të zbulojnë klasikët e mëdhenj të letërsisë franceze. 

Redaksia Online
l.q/Shqiptarja.com

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Aksident në aksin Librazhd- Prrenjas, trajleri del nga rruga, s'ka të lënduar

Aksident në aksin Librazhd- Prrenjas, trajleri del nga rruga, s'ka të lënduar

11 Janar, 17:49