Në Shqipëri por dhe në botë infeksionet urinare janë të dytat për rrezikun e përhapjes tek njerëzit. Këto infeksione shkaktohen nga prania e baktereve patogjene në rrugët urinare. Infeksioni mund të lokalizohet në rrugët e poshtme urinare si Cistiti, Uretriti dhe Prostatiti ose në rrugët e sipërme si Pielonefriti dhe Nefriti.  

Infeksionet mund të shfaqen në mënyre akute me një episod dhe simptoma të forta, ose mund të jenë kronike si Cistiti. Në rastet kur nuk kurohen në mënyrën e duhur mund të çojnë në komplikime të tjera të rëndësishme si insuficencë renale, diabet etj.