Nga lojërat e fatit, lufta kundër pastrimit të parave e menaxhimi i buxhetit të shtetit, fushat ku do të veprojë Ministria e Financave  

Nga lojërat e fatit, lufta kundër pastrimit të parave e menaxhimi i buxhetit të shtetit, fushat ku do të veprojë Ministria e Financave  

Ministri i Financave, Ervin Mete

Pas miratimit në Kuvend dhe betimit tek presidenti, Bajram Begaj, qeveria ka përcaktuar dhe fushën e përgjegjësisë shtetërore të ministrisë së Financave, dikaster nën drejtimin e ministrit Ervin Mete.

Ministria e Ekonomisë dhe Financave u ‘shkri’ në atë të Ekonomisë pas emërimit të Blendi Gonxhes në krye të Ministrisë së Ekonomisë, Kulturës dhe Inovacionit.

Misioni i Ministrisë së Financave është arritja e stabilitetit ekonomik, nëpërmjet drejtimit me efektshmëri, efektivitet dhe transparencë të financave publike.

Ministria e Financave do të menaxhojë disa fusha të rëndësishme të tilla si administrimi i buxhetit të shtetit, administrimi i të ardhurave, menaxhimi i borxhit publik dhe garancive shtetërore të huas, parandalimin e pastrimit të parave dhe terrorizmit apo edhe lojërat e fatit.

Ministria e Financave e ushtron veprimtarinë në këto fusha përgjegjësie shtetërore, në përputhje me legjislacionin përkatës:

a) politikën makrofiskale;

b) administrimin e të ardhurave;

c) administrimin e buxhetit të shtetit;

ç) menaxhimin e borxhit publik dhe garancive shtetërore të huas;

d) administrimin financiar;

dh) menaxhimin financiar dhe kontrollin;

e) menaxhimin e asistencës financiare të Bashkimit Evropian;

ë) inspektimin financiar publik;

f) bashkërendimin e përgjithshëm të auditimit të brendshëm;

g) parandalimin e pastrimit të parave dhe terrorizmit;

gj) lojërat e fatit.

Ministria e Financave është përgjegjëse për:

a) hartimin dhe zbatimin e politikave fiskale e buxhetore, në të cilat përfshihen analizat makrofiskale, parashikimi i të ardhurave, politika e shpenzimeve publike, politika e tatimtaksave, politika e borxhit publik;

b) mbikëqyrjen dhe ndërmarrjen e nismave e të hapave ligjorë, me qëllim administrimin e të ardhurave, në të cilat përfshihen, kryesisht, administrimi i taksave dhe administrimi doganor;

c) hartimin e politikave për miradministrimin e buxhetit, në të cilat përfshihen planifikimi dhe zbatimi i buxhetit, kontrolli i menaxhimit të investimeve publike, monitorimi i marrëdhënieve financiare ndërqeveritare, kontrolli financiar i transaksioneve publike dhe hartimi i pasqyrave financiare të konsoliduara të qeverisë;

ç) menaxhimin e borxhit publik, në të cilin përfshihen menaxhimi i portofolit të huamarrjes së brendshme e të huaj, menaxhimi i riskut të huamarrjes, si dhe shërbimi i regjistrimit të borxhit;

d) ngritjen e një sistemi modern të menaxhimit financiar e të kontrollit në të gjitha njësitë e sektorit publik, nëpërmjet vendosjes së rregullave, standardeve, procedurave dhe monitorimit të zbatimit të tyre;

dh) miradministrimin financiar të fondeve publike, i cili realizohet nëpërmjet ushtrimit të funksionit të thesarit, zbatimit të metodologjisë së kontabilitetit në sektorin publik dhe kontrollit të brendshëm financiar publik;

e) menaxhimin e ndihmës financiare të Bashkimit Evropian, sigurimin e bashkëfinancimit, ndjekjen e zbatimit të kontratave, legjitimitetin dhe rregullsinë e transaksioneve të ekzekutuara brenda sistemit të menaxhimit të decentralizuar, si dhe funksionimin e efektshëm të sistemeve të 2 menaxhimit të kontrollit, në kuadër të zbatimit të Instrumentit të Asistencës së Paraanëtarësimit (IPA);

ë) inspektimin financiar publik, si funksion i parashikuar me qëllim:

i. mbrojtjen e interesave financiare të njësive publike kundrejt keqmenaxhimit të rëndë financiar, mashtrimit dhe korrupsionit;

ii. rregullshmërinë e transaksioneve e të veprimtarive të tjera të menaxhimit financiar publik

iii. përcaktimin e shkeljeve të akteve normative, si dhe dyshimeve për mashtrimet e kryera;

iv. zbulimin e parregullsive e të dëmeve të shkaktuara në pronën e njësive publike;

v. identifikimin e shkeljeve e të individëve përgjegjës për parregullsitë e zbuluara.

Kliko ketu per vendimin

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • tani: 27/01/2024 14:30

    Ishalla po theq edhe ty Rama se shume shpejt u bone mik me vartesit e tu! Leni qokat po shif punen veji rruspen analfabeteve qe ke ne varesi se ndryshe do ta nxjerri SPAK bojen!

    Përgjigju
  • Sondazhi i ditës:

    Basha akuzon se ka aleancë PS-Rithemelimi kundër SPAK, e besoni?



×

Lajmi i fundit

Zyrtare! Amadeus largohet nga RAI

Zyrtare! Amadeus largohet nga RAI