POP 5

Lajmet më të lexuara të 5 minutave të fundit

Kronikë

Ngërçi në Kushtetuese, kreu i KED: Brenda majit listat në parlament

Brenda muajit maj nëse institucionet si tatimet, doganat, bankat apo autoriteti i dosjeve do të kthejnë përgjigjet në kohë për kandidatët në garë për gjykatë kushtetuese dhe Inspektorin e Lartë të Drejtësisë atëherë parlamentit do t'i shkojnë emrat për votim.

Brenda muajit maj nëse institucionet si tatimet, doganat, bankat apo autoriteti i dosjeve do të kthejnë përgjigjet në kohë për kandidatët në garë për Gjykatë Kushtetuese dhe Inspektorin e Lartë të Drejtësisë atëherë parlamentit do t'i shkojnë emrat për votim. Këtë afat e bëri publik kreu i këshillit të emërimeve në drejtësi Ardian Dvorani gjatë një tryeze për monitorimin e institucioneve të reja të drejtësisë.

"Kjo shpejtësi do të varet në mënyrë vendimtare nga angazhimi, përgjegjshmëria dhe shpejtësia e reagimit të institucioneve publike të ngarkuara me detyra kontrolli si dhe nga subjektet private veçanërisht të sistemit bankar, shoqërive financiare etj. Nëse ato do t'i përgjigjen kërkesave të Këshillit, për të dhënë informacion lidhur me kandidatët, jo vetëm me saktësinë dhe cilësinë që kërkon ligji, por edhe në kohën më të shpejtë të mundshme, edhe këshilli do të ketë mundësinë që në javët e ardhshme, pse jo edhe brenda muajit maj, të dërgojë para Kuvendit dhe Presidencës, listën e kandidatëve mes të cilëve këto institucione janë të detyruara të zgjedhin Gjyqtarët e rinj të Gjykatës Kushtetuese dhe Inspektorin e Lartë të Drejtësisë", tha Ardian Dvorani.

Aktualisht pranë KED janë duke u kryer verifikimet për mbi 40 kandidatë të cilët kanë shfaqur interes të jenë pjesë e gjykatës kushtetuese dhe Inspektorit të Lartë të Drejtësisë. Ndërsa e pranishme në këtë aktivitet kryeprokurorja Arta Marku u shpreh se ishte vendimi i gjykatës kushtetuese që solli konfuzion pasi në këtë periudhë tranzitore kur mungon ILD magjistratët nuk ka kush i kontrollon.

"Mungesa e Inspektorit të Lartë të Drejtësisë dhe boshllëku ligjor i krijuar nga vendimi i Gjykatës Kushtetuese që ka shfuqizuar të gjitha dispozitat që përcakton se cilat sjellje të magjistratëve përbëjnë shkelje disiplinore kanë qenë një handikap gjatë gjithë kësaj periudhe të implementimit e Reformës në Drejtësi. Të gjitha janë konstatime jo nga dikush që në distancë vëzhgojnë mënyrën sesi funksionojnë organet apo institucionet e reja të sistemit të drejtësisë, po janë të bëra nga dikush që është pjesë e sistemit, duke prekur përditë problemet e krijuara", tha Marku.

Monitorimi i institucioneve të reja të drejtësisë ka pasur në fokus edhe transparencën me publikun ku shumica e këtyre strukturave të krijuara rishtazi rezultojnë se nuk janë transparente me publikun dhe nuk zbatojnë detyrimin për të publikuar në portalet e tyre vendimmarrjet dhe mbledhjet që zhvillojnë dhe në disa raste nuk lejojnë mediet.

B.K./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Tragjedi në Brazil/ Shembet ura, 2 të vdekur dhe dhjetëra të tjerë të zhdukur

Tragjedi në Brazil/ Shembet ura, 2 të vdekur dhe dhjetëra të tjerë të zhdukur

25 Dhjetor, 14:35