TIRANË- Kuvendi i 11 dhjetorit për avokatin Spartak Ngjela synohet destabilizimi i Shqipërisë, në interes të Beogradit dhe Moskës dhe protagonist i kësaj nisme është Sali Berisha. Megjithatë, ajo se çfarë do të prodhohet të shtunën në 'Air Albania' për avokatin nuk do të jetë asgjë, as ndarjen e Partisë Demokratike, pasi në thelb e ka cilësuar si një lëvizje jashtë ligjore. Në 'Studio Live' me gazetarin e Report Tv, Arbër Hitaj, Ngjelaj tha se 'Foltorja' nuk tregon një mbështetje të madhe përkundrejt Berishës.
"Ajo është lëvizje jashtë ligjore, është person juridik PD dhe si person juridik është e njohur në gjykatë, këta kanë vendim gjykate që janë person juridik, jo. Si dalin personat juridik anash, është shkelje ligji, a do veprojë ligji kundër tyre nuk e di, por lidhje me ligjin nuk kanë, nuk e pranon asnjë strukturë juridike, revolucion nuk pranon NATO e SHBA. Destabilizimin e Shqipërisë, por kjo është shkak, duan destabilizim, thërret njerëzit që të bëjnë revoltë popullore. E kërkon destabilizimin Beogradi dhe Moska. Entuziazëm dhoma, keni parë miting me 80 mijë njerëz, unë nuk kam parë, çdo njeri mund të mbledhë njerëz", tha Ngjela.
2 ditë para se Sali Berisha të mbledhë në stadium mbështetësit për Kuvendin e PD-së, të thirrur prej tij, do të mbërrijë në Tiranë i dërguari i SHBA për Ballkanin Perëndimor, Gabriel Escobar dhe fakti që ai nuk ka përfshirë në axhendën e tij, Sali Berishën dhe Ilir Metën, për avokatin, tregon shumë. Sipas tij, është tregues se Meta dhe Berisha janë të rrezikuar nga politika Amerikane dhe tregon që SHBA i ka distancuar të dy.
"E kuptojnë dhe pulat e lagjes sime, janë të dy të rrezikuar nga politika amerikane, janë më të akuzuarit për korrupsion, madje Meta është pushuar dhe si president nga parlamenti, pritet që të shkojë në Gjykatën Kushtetuese, nuk kanë lidhje me Shqipërinë, Shqipëria nuk mund të dalë kundër Perëndimit, pse se do Saliu. Flitet për interesin e Shqipërisë, jo të Saliut, s'i pranon Amerika, ky është akt, ai është 'Non Grata', si do e takojë ai? Fakti që nuk po shkon te Meta i kanë diferencuar të dy", tha Ngjela.
Nisur nga të gjitha këto zhvillime, thelbi i të cilit është shpallja 'Non Grata' e ish-kryeministrit, nëse provat për korrupsion që disponon SHBA i ka çuar në SPAK, për Ngjelën, atëherë Berisha rrezikon të arrestohet.
"Basha me Saliun luftojnë për pushtet, Bashën e përkrah Amerika, por jo Berishën, e dëgjova që tha që është tradhtar, tradhtar i kujt, i Rusisë? Se atë e ka pranuar Amerika, këtu ka politikë nuk ka tradhti, janë akoma me frazat e Enver Hoxhës, ça tradhtie ka këtu, ka humbur logjikën normale të të folurit. Berisha rrezikohet deri në arrest, amerikanët i kanë ngritur akuza, ka korrupsion, këtu është pikëpyetja, provat që ka do ia japin SPAK, nëse ia kanë dhënë rrezikon arrestin", tha Ngjela.
Zhvillimet në PD, për avokatin Spartak Ngjela do të ndikojë edhe në PS e më konkretisht dhe te Edi Rama.
"Edi Rama ka frikë nga Basha se po merr përkrahje amerikane, ka shenja që do fitojë partinë dhe është hera e parë që politika amerikane do të bashkohet me PD, kjo e tremb Ramën, ai kishte Saliun e mbante si gogol, që s'kishte përkrahjen e Amerikanëve, nëse BASHA DEL, nuk është në favor të Ramës se shikon dekadencë, do ikë Rama si kryetar brenda këtij mandati dhe po pa që forcohet shumë PD, do të tërhiqet, kjo ndodh në politike, dhe kështu do të ndodh, kjo është psikologjia, ai me Bashën, nuk mund të rezistojë dot, për faktin se Basha suportohet nga SHBA, që thanë se do e ngremë PD me Bashën deri sa të pranohet në SHBA", tha Ngjela.
Pritshmëritë nga vizita e të dërguarit të SHBA për Ballkanin Perëndimor, Gabriel Escobar në Tiranë, për avokatin Spartak Ngjela janë të mëdha. Sipas tyre, nesër SHBA do të tregojë forcën përkundrejt Sali Berishës.
"Mund të ketë shprehje të forcës të Amerikanëve, politika amerikanë është kështu kur sheh që rrezikohet politika në një vend dhe administrata aktuale është me ta, ata tregojnë lëvizje të forcës, nuk është çudi që nesër të kenë një hapësirë për të shprehur forcën me se nuk e di, o bie një kryqëzor, o me avion, japin të kuptuar atij që jemi këtu, nëse PD kërkon që të ushtrojë forcë, por ma ha mendja që Saliu do të shkojë të forca", tha Ngjela.
Si një njohës i mirë i ligjit, Avokat Spartak Ngjela është shprehur se Sali Berisha nuk ka asnjë mënyrë për të hequr 'Non Grata-n' nga SHBA-ja, kjo pasi provat e marra akuzën e korrupsionin janë marrë nga FBI e CIA, edhe pse shprehet i sigurt se nuk është vetëm kjo akuzë.
"Janë gënjeshtra, cili është gjyqtari, shpallet gjykata po ku është? Provat i kanë marrë nga FBI dhe CIA, FBI-në do mund Saliu? Si do e mundësh ajo mban Amerikën, ajo ka sjellë provat, por që ka pasur korrupsion Saliu, nuk diskutohet,e dinë dhe macet, si operojë SHBA lidhur me korrupsionin, mund të ketë edhe arsye të tjera, do e shikojmë nesër", tha Ngjela në Report Tv me gazetarin Arbër Hitaj.
Komente
Lajme të tjera
-
Dyrnjaja për Report TV: Njerëzit afër Berishës dhe djalit të tij marrin leje për kulla, sapo kanë marrë dhe një tjetër në Tiranë! Ai është komod në opozitë
26 Nëntor, 15:20 -
Gjykata Kushtetuese shqyrton më 27 dhjetor 'arrestin e shtëpisë' të Berishës, thërret dhe Kuvendin e SPAK në seancë
26 Nëntor, 14:26 -
Siguria në shkolla/Rama njofton planin e masave: Kamera në shkolla dhe kontroll dixhital për çdo mjet metalik në çanta! Konsultime për mbylljen e TikTok dhe SnapChat
26 Nëntor, 13:58 -
Bulqizë/ Rama prezanton projektin transformues të zonës ushtarake: Dibra do kthehet në periferinë e gjelbër të kryeqytetit! Rruga e Arbrit drejt përfundimit, Tuneli i Murrizit pati marrje mësysh
26 Nëntor, 11:14 -
Bazuar në romanin e Ismail Kadaresë, 'Kthimi i Ushtrisë së Vdekur' një tjetër film që i nënshtrohet restaurimit 4K
26 Nëntor, 09:10 -
PD ‘mosbindje civile’ me orar, bllokojnë rreth 3 orë 5 kryqëzimet e Tiranës! Deputetët përplasen me policinë, shpërndahen me ujë e gaz! Shoqërohen 44 protestues (VIDEO)
26 Nëntor, 08:50 -
Lufta/ Bilalli në Report Tv: Rusia mund të godasë me raketa vende që furnizojnë Ukrainën me armë! Cënohet siguria në Europë! Çfarë është raketa Oreshnik
25 Nëntor, 20:27 -
Operacioni i SPAK në Elbasan, Ngjela në Report Tv: SPAK në veprim, kriminaliteti i rritur te moshat e vogla! Berisha me regjim burgu, s’ka njerëz për të bërë revolucion
25 Nëntor, 19:01 -
Ylli Pata: Ajo që nuk u pa nga takimi i Edi Ramës në Londër!
25 Nëntor, 18:28
-
Detyrim paraqitjeje për dy gazetarët, Sali Berisha: Artan Hoxha anëtar i bandës Bajri! T'i hiqet masa Qynos
25 Nëntor, 17:31 -
Nis puna për ndërtimin e Parkut Urban në Spitallë të Durrësit, Rama: Hapësirë rekreative, gjelbërim, pistë biçikletash dhe terrene sportive për fëmijë
25 Nëntor, 16:07 -
Trafikanti që mbështet Berishën: Nuk më lejuan të futesha në sallën ku Rama mbajti takimin! Isha i maskuar po më njohën
25 Nëntor, 13:01
Berisha do te arrestohet, hahahhahahahahhahahhahahahahahhaahhahah. ky me mire se gjithkush tjeter e di mire se asnje politikan aktiv me influence ne popull nuk arrestohet dot, sepse turmat qe e perkrahin mund te shkaktojne destabilitet per vendin. ndaj skarcohet kjo deshire e babatakut. frika e ktij e vertete eshte se vete takun mos e arrestojne perseri si ne vitet 70 kur miqt e babait te tij e futen aty ku e meritonte. nejse eshte harxhim kohe te lexosh apo komentosh kete busull te prishur, delirant, bllokmen-burgaxhi e paranojak.
PërgjigjuI madh eshte ai Berisha qe gjys fjale nuk ka nxjerre per Tak batakciun qe sla kazino pa percitur. Si duket ja ka falur Luca borxhet ndaj.
Përgjigju