Ngjela: Rama s'është Saliu i '97
hetimi i FBI frika e madhe e Berishës

Ish-ministri i Drejtësisë, Spartak Ngjela, mendon se Edi Rama dhe Sali Berisha nuk janë njësoj. 

"Saliu e mendoi qeverinë Rama kusht për revolta qe t’i shpëtonte vetingut, se e paravendosi Ramën të çoroditur që s’jep dorëheqjen si ai vetë në vitin 1997", shkruan Ngjela në Facebook. 

Ngjela lë të kuptohet se edhe dorëheqjen e qeverisë për të çuar përpara Vettingun. Ai thekson gjithashtu se zbatimi i ligjit duhet të fillojë tani, kurse hetimin e korrupsionit dhe krimit të organizuar do ta ndjekë FBI dhe Byroja Kombëtare e Hetimit.

Postimi i plotë i Ngjelës në Facebook:
Ka dhënë dorëheqjen Rama apo një sërë ministrash?

Ne fakt duhet të ketë dhënë dorëheqjen qeveria Rama.

Po pas kesaj çfarë do të ndodhë?

Pas kesaj mbetet zbuluar Saliu për vetingun. Do të shkojë në Parlament të votojë vetingun.

Vetingu sigurisht që është për Shqipërinë dhe shqiptarët më me rendesi se qeveria Rama.

Saliu e mendoi qeverinë Rama kusht për revolta qe t’i shpëtonte vetingut, se e paravendosi Ramën të çoroditur që s’jep dorëheqjen si ai vetë në vitin 1997.

Rama duhet të zgjedhe vetingun jo qeverinë tre mujore, se vetingu eshte kusht i politikes amerikane.

Pas vetingut, çështjen e moralitetit në Shqipëri e drejtojnë perëndimorët. Fillon pastrimi i korrupsionit. Ne fakt kjo ka qenë frika e Saliut. Por ky është edhe shpëtimi i Shqipërisë dhe shqiptarëve ne të gjithë Ballkanin Perëndimor.

Nuk ka rëndësi fare qeveria pasardhëse, se ajo do të jetë e gjitha e perëndimorëve që do të vënë në shina Reformën në Drejtësi. DHE, disa muaj janë të mjaftë.

Vetingu tani behet gjë e sigurt, dhe Reforma fillom. Kurse hetimin e korrupsionit dhe krimit te organizuar do ta ndjekë FBI dhe Byroja Kombëtare e Hetimit.

Hetim patjetër i paanshme.

Te akuzuarit do jene shumë. Pastrimi i amoralitetit shqiptar bëhet një gje e sigurt.

Zgjedhjet e radhës nuk kanë më rendësi tani për tani.

Moraliteti shqiptar kerkon një klasë te re plitike.

Kjo do të vijë. Hetimi i FBI – se dhe Byrosë së Hetimit rrafshon përfundimisht krimin në Shqipëri; dhe:

Shqipëria hyn me personalitet ne Bashkimin Europian, dhe shqiptarët fillojnë pas pësqind vjetësh zhvillimin e tyre europian dhe i japin fund varfërisë dhe shemtimit të mbetur nga mesjeta otomane.

Keto ditë shqiptarët presin të ndahen njeherëemire me të keqen.

A do të ndodhe kjo? Unë kam besim se do të ndodhë, ngaqë është kushti i zhvillimit perëndimor të Shqipërisë.

VETINGU e fitoi betejën në Shqipëri.

Donald Lu dhe Romana Vlahutin janë autorët e kësaj fitoreje që rrokin shqiptarët këto ditë. Shqiptarët do t’iu jenë gjithmonë mirënjohës…

Redaksia Online
l.q/Shqiptarja.com