Ngjitet në skenë “Në kërkim
të daljes” e Albatros Rexhaj
Një djalë i ri, që humbjen e ka gjetur nga droga dhe një polic, që vetveten e ka humbur rrugëve... Është një dramë e shkruar në vitin 2004, kohë jo shumë larg ditëve të sotme, problemeve aktuale, ku personazhet e saj janë gjithmonë në kërkim të daljes...
TIRANE- Një djalë i ri, që humbjen e ka gjetur nga droga dhe një polic, që vetveten e ka humbur rrugëve... Është një dramë e shkruar në vitin 2004, kohë jo shumë larg ditëve të sotme, problemeve aktuale, ku personazhet e saj janë gjithmonë në kërkim të daljes... Përpjekjet për të gjetur daljen shndërrohen në përpjekje për gjetjen e identitetit të humbur, gjetjen e vetvetes.
“Në kërkim të daljes” është premiera më e re që do të çel sezonin për vitin 2015 në Qendrën Kulturore “Tirana” (Teatri i Metropolit) e shkruar nga autori me emër Albatros Rexhaj, e cila vihet në skenë nga regjisorja Rozi Kostani. Sipas saj, drama “Në kërkim të daljes” është një proces filozofik njerëzor, i një thirrjeje njerëzore, e cila e ka shoqëruar njerëzimin që nga fillesat e tij. “Makthet tona, shndërrohen në ëndrrat tona dhe e kundërta. Albatrosi, e sjell këtë thirrje nëpërmjet katër personazheve vajzës, djalit, bariut dhe policit, në një vend, hapësirë, e kohë të papërcaktuar, duke mos ditur se kush i ka futur këtu brenda dhe pse.
Ashtu siç ndodh brenda koshiencës dhe subkoshiencës njerëzore, ata kanë humbur veten. Lufta më e madhe e njeriut me veten është rigjetja e tij, ose dalja në këtë rast. Pra janë katër personazhe, të cilët kanë humbur dhe përpiqen të mbledhin faktet për të gjetur veten”, shpjegon regjisorja. Për autorin e veprës Albatros Rexhaj, "Në kërkim të daljes" është një dramë e konceptuar si protestë ndaj ndjenjës së pafuqisë që kemi përballë vetë fatit tonë. “Me një fjalë të vetme veprën do ta përmblidhja si: kuçedër ankthi.
Si shoqëri jemi në një gjendje ankthi të vazhdueshme, sepse jemi të pafuqishëm, të rrëzojmë paragjykimet, tabutë dhe muret e padukshme brenda mendjes sonë. Disa thonë, se drama është edhe politike dhe kanë shumë të drejtë. Si shoqëri që ndodhet nën presionin e një elite politike të konsumuar, ka kohë që jemi në kërkim të një daljeje. Ky është një mesazh, përtej politikës ditore dhe kam frikë se do të vazhdoj të ngel si i tillë dhe për një kohë të gjatë”, shprehet autori.
“Procesi “Në kërkim të daljes”, është një dramë që komunikon me realitetin individual dhe atë kolektiv. Eshtë përdorur gjuha plastike, nëpërmjet një pune koreografike të realizuar nga koreografi Arian Sukniqi. “Skenografia e kostumografia, e realizuar me mjeshtëri nga Laedia Hajdari, i ka dhënë dimension konceptit tim” thotë regjisorja Rozi Kostani. Shfaqja do të jetw edhe gjatw fundjavave në Teatrin Metropol.
Shkrimi u botua në Shqiptarja.com (print) në 8 janar 2015
Redaksia Online
(d.a/shqiptarja.com)
Sondazhi i ditës:
Si ju duket turizmi këtë sezon, krahasuar me një vit më parë?
-
Më mirë
37.6%
-
Më keq
44.6%
-
Njësoj
17.9%
Vota total: 1836
Votat totale janë unike
Lajme të tjera
-
Shkroi për trafikun e armëve drejt Britanisë, ambasadori shqiptar në Britani i pakënaqur me titullin e 'The Sun’ i sugjeron një tjetër
3 Gusht, 18:11
-
Paris 2024/ 'Ata bëjnë gjithçka sepse nuk duan që ajo të jetë kampione', flet babai i boksieres Imane Khelif
3 Gusht, 18:01
-
Shkodër/ Policia jep informacion për arrestimin e Viktor Markut! Në pranga dhe vëllai e kushëriri i tij
3 Gusht, 17:56
-
Lojërat Olimpike, kërcënohet me vdekje drejtori artistik i “Darkës së fundit”! Macron: I tronditur
3 Gusht, 17:41
-
KPK edhe pak muaj mandat, bilanci 6 vjeçar i vetingut! Nga 783 vendime u konfirmuan ne detyre 358 magjistratë
3 Gusht, 17:28
-
Lufta/ Washington dhe Londra u kërkojnë shtetasve të tyre të largohen nga Libani sa më parë! IDF: Godet bazën e Hamasit në Gaza
3 Gusht, 17:13
-
Garda e Iranit: Lideri i Hamasit u vra nga predha 7 kg, me rreze të shkurtër veprimi
3 Gusht, 17:09
-
'Pjata e Harvardit', kjo është dieta me ekuilibrin perfekt
3 Gusht, 16:49
-
Paris 2024/ Dyshja çeke fiton medaljen e artë së bashku, lidhja e tyre romantike përfundoi pak para Lojërave Olimpike
3 Gusht, 16:43
-
Aksident tragjik në Itali! 21-vjeçarin shqiptar e zë gjumi në timon dhe përplaset për vdekje! Shkrumbohet nga flakët brenda automjetit (EMRI)
3 Gusht, 16:23
-
Kampet e emigrantëve në Lezhë, në Shëngjin monitorohet nga 40 kamera! 15 nga 27 vendet e BE i kërkuan Italisë të ndajë detajet e marrëveshjes
3 Gusht, 16:14
-
Paris 2024/ Fituan medalje të artë, 30-vjeçarja merr propozim nga 'shoku' i shkuadrës
3 Gusht, 16:11