POP 5

Lajmet më të lexuara të 5 minutave të fundit

Politikë

Ngrihet Gjykata Administrative
pr/ligji miratohet unanimisht

Me 122 vota pro dhe asnjë kundër Kuvendi miratoi sot në mesditë  pr/ligjit Gjykatën Administrative. Armando Subashi relatori i pr/ligjit tha se ligji ishte më i miri. Topalli akuzon opozitën: Na humbet 3 vjet.
TIRANE-Me 122 vota pro dhe asnjë kundër Kuvendi miratoi sot në mesditë pr/ligjit për ngritjen dhe organizimin e Gjykatës Administrative. Ligji nuk u votua nga deputeti demokrat, ish ministri i Drejtësisë Enkelejd Alibeaj, ndërsa abstenoi deputeti socialist Pandeli Majko. Vetë kryeministri Berisha nuk ishte i pranishëm në seancë në momentin e votimit. Ai u largua nga salla së bashku me Komisionerin të Zgjerimit të Bashkimit Europian Stefan Fyle i cili mbajti një fjalë përshëndetëse në Parlament.

Pas largimit të Stefan Fyle deputetët mbajtën një minutë heshtje për humbjen e publicistit dhe përkthyesit të njohur Ardian Klosi dhe më pas nisi diskutimi i pr/ligjit për ngritjen e Gjykatës Administrative.

Armando Subashi, relatori i pr/ligjit duke bërë prezantimin e pr/ligjit dhe ftoi të gjithë deputetët të miratojnë pr/ligjin pasi “jo vetëm sipas pikëpamjes time por dhe mendimit të ekspertëve të fushës, ligji është i mirë që besoj se do ti shërbejë gjykimit të mosmarrërveshjeve administrative brenda të gjitha standardeve të pranuara nga BE."

Duke ftuar kryetarët e grupeve parlamentare të jepnin mendimin e tyre mbi pr/ligjin Kryetarja e Kuvendit Jozefina Topalli iu drejtua opozitës:
"Si na humbët tre vjet të botojmë të njëjtin ligj"

Deputeti socialist Fatmir Xhafaj duke vlerësuar ligjin aktual tha se “ligji i 3 viteve më parë ishte i dobët nuk parashikonte qartë përbërjen e trupës gjykuese dhe ishte një mundësi korrupsioni ndërsa pr/ligji tani nuk lë vend për abuzime

Kjo gjykatë do t'i japë fund zvarritjeve të proceseve gjyqësore mes biznesit dhe shtetit, apo edhe qytetarit dhe shtetit. Sapo të përfundojë
infrastruktura për gjykatat respektive në Tiranë dhe në vend, ky ligj do të hyjë në fuqi menjëherë.
Do të ketë pesë gjykata të Shkallës së Parë, një Gjykatë Apeli Administrative dhe një Gjykatë të Lartë Administrative. Shqipëria është vendi i fundit në rajon që nuk e ka një gjykatë të tillë. Përfundimi i këtij projektligji i hap rrugën edhe shqyrtimit të ligjit për Shërbimin Civil, i cili pritet që të vijë në Kuvendin e Shqipërisë brenda muajit maj.
(sg/shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Efektivi bie nga lartësia e pallatit në Tiranë, dërgohet te Trauma! Nuk dihen shkaqet

Efektivi bie nga lartësia e pallatit në Tiranë, dërgohet te Trauma! Nuk dihen shkaqet

15 Janar, 18:35