TIRANE- Nga viti 2015 deri në 2018, nuk do të ketë praktikisht rritje pagash, pensionesh, fondesh për kompensimin e pronarëve apo të energjisë për shtresat në nevojë. Një rritje e lehtë është parashikuar për ish të përndjekurit, fondi për dëmshpërblimin e të cilëve nga 20 milionë dollarë në vitet 2015-2016, do të arrijë në 23 milionë dollarë në 2017-2018.

Të dhënat vijnë përmes programit buxhetor afatmesëm 2016-2018, të publikuar dje në Fletoren Zyrtare, ku Këshilli i Ministrave parashikon rritje modeste të ekonomisë për këtë periudhë, shkak për të cilën duket se parashikon edhe shpenzime mjaft konservatore për pjesën dërrmuese të zërave buxhetore.