Ngritën 2 laboratorë prodhimi Bitcoin me vlerë 1 mln euro në Shijak, gjykata liron 3 të arrestuarit

Ngritën 2 laboratorë prodhimi Bitcoin me vlerë 1 mln euro në Shijak, gjykata liron 3 të arrestuarit

Pajisjet që prodhoheshin Bitcoin

Ardian Çekiçi dhe Liserxhio Xhaferraj, të arrestuar për prodhimin e kriptomonedhave, janë lënë të lirë nga Gjykata e Durrësit. Vendimi u morr nga gjyqtarja Flora Hasimi, e cila vendosi ‘detyrim paraqitje’ për ta.

Vetëm 3 ditë më parë në Shijak u zbuluan dy laboratorë për prodhimin e kriptomonedhave Bitcoin, një në fshatin Pjezë dhe tjetri në fshatin Fllakë, investim që shkonte deri në 1 milion euro për ngritjen e strukturave.

Ndryshe nga rastet e tjera të prodhimit të kriptomonedhave në vend, këta persona nuk vidhnin energji elektrike, por rrymën e nevojshme e siguronin nëpërmjet paneleve diellore. Sipas Policisë, ata kishin kërkuar të regjistronin aktivitetin e tyre, por nuk ishin legalizuar pasi Autoriteti i Mbikëqyrjes Financiare nuk i kishte lejuar.

Gjatë operacionit, Policia sekuestroi 631 copë pajisje elektronike për prodhimin e kriptovalutave, 630 copë panele diellore, 360 copë pajisje elektronike për sigurimin e vazhdueshëm të energjisë elektrike, 71 copë pajisje kompjuterike për procedimin  e të dhënave, 71 copë pajisje kompjuterike për ruajtjen e përkohshme të të dhënave, 71 copë Hard disqe të jashtme, 71 copë pajisje elektronike për stabilizimin e temperaturave, pajisje elektronike për shpërndarjen e internetit, pajisje kompjuterike të lëvizshme  dhe dokumente të ndryshme të subjekteve, fatura financiare, shënime të ndryshme etj.

/M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet