CONNECTICUT, SHBA-Dy të rinjtë amerikanë, që kishin kthyer shtëpinë e tyre në Tiranë në një laborator droge dhe u arrestuan 4 vite më parë, janë dënuar së fundmi në Shtetet e Bashkuara të Amerikës. Bëhet fjalë për Vincent (Dominic) De Caro, 32 vjeç, lindur dhe banues në NeëYork, USA; dhe Arbër Isaku, 30 vjeç, lindur dhe banues në Neë York, USA, por me origjinë shqiptare. De Caro është dënuar me 4 vite burg ndërsa Isaku me 4 vite e 3 muaj burg.
Dy të rinjtë u arrestuan më 26 shtator 2018, në tentativë për t’u arratisur nga Shqipëria pasi kishin krijuar në një kompleks pranë rrugës së Kavajës laboratorin e ekstazisë. Më parë Gjykata e Connecticut në SHBA kishte vendosur masën e sigurisë “Arrest me burg”. Ata u ekstraduan nga Shqipëria për në SHBA më 20 prill 2019.
Nga hetimet e palës amerikane dhe autoriteteve shqiptare rezultoi se tregu në të cilin operonin me aktivitetin e tyre të paligjshëm dy të arrestuarit ishte portali "DarkWeb" në të cilin të fshehur pas pseudonimeve, personat kryenin tregti droge dhe arme. Mbi të rinjtë rëndon akuza “Prodhim dhe shitje të lëndëve narkotike dhe substancave psikotrope”.
Në një operacion të përbashkët të Policisë së Shtetit me DEA-n amerikanë të koduar "Sintetiku" është bërë i mundur arrestimi i dy shtetasve amerikanë që kishin ngritur në Tiranë një bazë ku do të përpunonin drogë sintetike. Sipas letërporosisë së autoriteteve amerikane eksperti i përzierjeve kimike dhe realizimit të lëndëve narkotike sintetike ishte De Caro i cili pasi kryente përzierjet i piqte ato në furrë me një tavë me temperaturën 76.6 gradë celcius. I përfshirë në këtë aktivitet kriminal rezulton dhe një shtetas tjetër amerikan i proceduar më parë i njohur me emrin Richard por për llogari të drejtësisë amerikane. Nga hetimet e palës amerikane dhe autoriteteve shqiptare rezulton se tregu në të cilin operonin me aktivitetin e tyre të paligjshëm dy të arrestuarit ishte portal DarkWeb në të cilin të fshehur pas pseudonimeve personat kryejnë tregti droge dhe armësh.
Para Shqipërisë ata kishin aktivitetin e drogës edhe në SHBA. Në njoftimin e Gjykatës Amerikane të siguruar nga Report Tv thuhet se sipas dokumenteve dhe deklaratave të bëra në gjykatë, Isaku dhe Decaro blenë analoge të fentanilit nga furnitorët në Kinë dhe, duke punuar jashtë rezidencës së Decaro-s në 77 Ëest Hill Circle në Stamford, e shtypën drogën në pilula të falsifikuara të oksikodonit, të cilat ua shitën klientëve në internet. David Reichard, i cili jetoi për një kohë të shkurtër në rezidencën e Decaros, ndihmoi Isaku dhe Decaro të shtypnin pilula dhe t'u dërgonin me postë pilulat klientëve.
Më 3 prill 2018, një kontroll i autorizuar nga gjykata në rezidencën e Decaro-s zbuloi pilula të shumta që përmbanin afërsisht 330 gramë fentanil dhe acetil fentanil, afërsisht 40 gramë analoge të fentanilit në formë pluhuri, tre presa për pilula, udhëzime se si të përgatitet analogu i fentanilit, një kostum për rezistencë ndaj materialeve të rrezikshme, një maskë e tipit gaz/respirator dhe zarfe të shumta postare të SHBA-së.
Në kohën e kontrollit të shtëpisë së Decaros në prill 2018, Isaku dhe Decaro ndodheshin në Shqipëri. Më 21 shtator 2018, Isaku dhe Decaro u arrestuan nga Policia e Shtetit teksa po tentonin të kalonin kufirin nga Shqipëria për në Kosovë. Nga kontrolli i një banese në Tiranë, ku ata kishin qëndruar, u zbuluan alprazolam, fentanil dhe substanca të tjera të kontrolluara; mjetet dhe matrimat për shtypjen e pilulave dhe udhëzimet për sintetizimin e fentanilit.
Më 15 qershor 2021, Decaro u deklarua fajtor për një akuzë të posedimit me qëllim të shpërndarjes së analogëve të fentanilit dhe, më 6 gusht 2021, Isaku u deklarua fajtor për një akuzë të komplotit për të poseduar me qëllim shpërndarjen dhe shpërndarjen e analogëve të fentanilit. Isaku dhe Decaro, të cilët të dy janë liruar me kusht, duhet të paraqiten në burg përkatësisht më 21 shtator dhe 2 nëntor. Reichard gjithashtu është deklaruar fajtor dhe pret dënimin/ Përgatiti Shqiptarja.com
Komente
Lajme të tjera
-
Ministri Vengu takime me zyrtarë të lartë në SHBA: Shqipëria e angazhuar për forcimin e bashkëpunimit në mbrojtje dhe sigurinë globale
23 Nëntor, 19:32 -
Specialistja e Departamentit amerikan të Tregtisë: SHBA të interesuara të thellojnë bashkëpunimin me Kosovën për energjinë e pastër
23 Nëntor, 19:13 -
Alban Daci: Lufta III Botërore?
23 Nëntor, 15:23
-
Shefi i NATO-s takohet me Trumpin në Florida
23 Nëntor, 12:35 -
Presidentja e Parlamentit të BE-së: Gjermania duhet t’i dërgojë Ukrainës raketa Taurus
23 Nëntor, 10:27 -
Reuters: Trump mund të emërojë Richard Grenell të dërguar të posaçëm për konfliktin mes Rusisë dhe Ukrainës
23 Nëntor, 10:20 -
‘Shikoni si bërtasin, para se të vdesin’, kush është Erald Alimehmeti, shqiptari i arrestuar në SHBA si përkrahës i ‘ISIS’
23 Nëntor, 10:01 -
Diplomati amerikan: Dialogu Kosovë-Serbi nuk do të jetë prioritet për administratën e Trumpit
23 Nëntor, 08:50 -
Donald Trump zgjedh një drejtues homoseksual për Sekretar të Thesarit! Kush është Scott Bessent, punoi për fondacionin e Soros
23 Nëntor, 08:20 -
EMRI/ Akuzohet për mbështetje të Shtetit Islamik, arrestohet shqiptari në New York! Edhe i vëllai i dënuar me 22 vite burg për terrorizëm në SHBA
23 Nëntor, 08:13 -
Drejtori ekzekutiv i Komandës Kibernetike të Amerikës: Hakerët kinezë po përgatiten për konflikt me Shtetet e Bashkuara
23 Nëntor, 08:03 -
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22
Ne Shqiperi te denojne per canabis me teper se aq kurse keta i paskan rruajtur lesht cunave
Përgjigju