POP 5

Lajmet më të lexuara të 5 minutave të fundit

Kronikë

'Niçes' i refuzohet kërkesa për liri nga qelia për të pestën herë

Altin Avdylit ose i njohur ndryshe si 'Niçja' i është refuzuar për herë të pestë kërkesa për të lënë qelinë. 'Niçja' ra në pranga në operacionin 'Vol vo 4' ndërkohë kjo është hera e pestë që Krimet e Rënda i refuzojnë kërkesën e tij.

Gjykata e Krimeve Të Rënda refuzon për të pestën herë  kërkesën e Altin Avdylit për tu lënë i lirë. Altin Avdyli, i cili njihet ndryshe dhe me pseudonimin “Nicja”,  është arrestuar si pjesë e grupit të Avdylajve në Shijak.

 Nicja ka kërkuar zbutjen e masës së sigurisë  'Arrest me burg'.  Pretendimet e tij konsistojnë në faktin se  Krimet e Rënda  nuk kanë prova kundër tij, si dhe nga hetimi nuk kanë ardhur  prova të reja.

 Prokurori Dritan Prençi, ka kërkuar që masa e sigurisë të lihet e pandryshuar duke argumentuar se nuk  ka kushte të reja ligjore që mund të cojnë në ndryshimin e saj dhe se provat e paraqitura janë të mjaftueshme për të caktuar një mase sigurimi.

Altin Avdyli ose “Niçja” ishte në mesin e të arrestuarve, tetorin e 2018-ës, si pjestar i grupit të Avdylajve në mega operacionin e koduar 'Volvo 4'.

Emri i Altin Avdylit u bë mediatik pasi nga dosja e prokurorisë dolën telefonata ku ai përmend se është takuar dhe ka drekuar me kryebashkiakun e Durrësit Vangjush Dako. Me këtë të fundit ka dhe një telefonatë.

Nga ky operacion në pranga ranë edhe dy ish-deputetët e PS, Arben Cuko dhe Arben Ndoka. Vëllezërit Avdyli akuzohen për vrasje, prostitucion, trafik droge dhe disa vepra penale.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

Donald J. Trump: Një rrugëtim i pazakontë drejt presidencës

Donald J. Trump: Një rrugëtim i pazakontë drejt presidencës

2 Nëntor, 19:04