'VOL-VO4' shkon për gjykim, shtyhet seanca e parë për 14 të pandehur, mes tyre dhe grupi Avdylaj! Përcaktohet trupa gjykuese

Çështja e "VOL-VO4" ka shkuar sot nga akuza drejt gjykimit, por GJKKO ka shtyrë seancën e parë që është mbajtur. Shkak i shtyrjes është bëtë kërkesa e njërit prej avokatëve të 14 të pandehurve, i cili kërkon më shumë kohë për t'u njohur me dosjen.

Në këtë seancë është përcaktuar edhe trupa gjykuese, ku Miliana Muca, Fran Prendi dhe Etleva Deda do të jenë 3 gjyqtarët që do të gjykojnë çështjen e  "VOL-VO4".

14 të pandehurit në këtë dosje, mes tyre dhe grupi i Avdylajt, akuzohen për grup kriminal, moskallëzim krimi dhe trafik të lëndëve narkotike.

Konkretisht 14 të pandehurit janë:

1-Astrit Avdyli

2-Altin Avdylaj

3-Jasin Kala

4-Gjevi Ndoka

5-Esat mehmeti

6-Hajri Seferi

7-Shkëlqim Avdyli

8-Denis llaftiu

9-Elton Shehaj

10-Fatos Llaftiu

11-Hekuran Hoxha

12-Xhevit Shuti

13-Flamur Celja

14-Vehbi Berushi

Në tetor 2018 në seancat e zhvilluara te Krimet e Rënda në Tiranë dhe Gjykata e Shkallës së Parë në Lezhë u lanë në burg 24 nga të arrestuarit, ndërsa 10 u ndryshua masa, nga të cilët 8 në arrest shtëpie dhe dy në detyrim paraqitje.

Arben Ndoka ra në prangat e policisë në 21 tetor gjatë megaoperacionit të policisë "Volvo 4", pasi nga përgjimet telefonike të prokurorisë ai rezultonte i përfshirë në një skemë tjetërsimi pronash në zonën e Kunes dhe Ranës e Hedhun në Shëngjin.Gjithçka u zbulua nga hetimet e prokurorisë për vëllain e Arben Ndokës, Gjevi Ndoka, si i lidhur me Avdylajt e Shijakut, të cilët akuzohen për trafik droge dhe porositës të heroinës së laboratorit të Hasit.

Ndërsa Arben Çuko u vendos në pranga krejt rastësisht, teksa në hetim dhe përgjim ishin pjesëtarët e një grupit të Shijakut. Çuko akuzohej se në kohën kur ka qenë në krye të Drejtorisë së Burgjeve ka miratuar transferimin e të dënuarit Olsi Karagjozi kundrejt ryshfetit 3.000 euro. Kreu i bandës së Shijakut Astrit Avdyli akuzohen për trafik të drogërave të forta nga Shqipëria në drejtim të Gjermanisë dhe vendeve të tjera të BE-së.

Në nëntor 2018 Gjykata e Apelit të Krimeve të Rënda vendosi të ndryshojë masën e sigurisë për dy ish-deputetët socialistë Arben Ndoka dhe Arben Çuko në masën e sigurisë 'arrest shtëpie', ndërsa ka lënë në burg të fortët e Shijakut, grupin e Avdylajve, të akuzuar për trafik droge dhe grup të strukturuar kriminal.

I.K/Shqiptarja.com

TAG:
• arben ndoka
• Arben Çuko
• astrit avdylaj
• altin avdylaj
• vol vo 4
• GJKKO