Serbia do t’i përmbushë të gjitha kushtet e Bashkimit Evropian, por “nuk do të pranojë kurrë pavarësinë e Kosovë”. Kështu ka deklaruar president i Serbisë, Tomislav Nikoliç nga Athina ku ka takuar homologun grek, Karlos Papulias.

Nikoliç tha se “ruajtja e sovranitetit të Serbisë, është interes kombëtar”, -shkruan REL .

Ndërkaq, presidenti grek shprehu mbështetjen e vendit të tij për integrimin e Serbisë në Bashkim Evropian. Papulias theksoi se politika e Greqisë është stabiliteti dhe paqja në rajonin e gjerë të Ballkanit.

Greqia është njëri nga pesë vendet e Bashkimit Evropian që nuk e ka njohur ende pavarësinë e Kosovës.

Redaksia Online
(Gre.M/Shqiptarja.com)