Kryetari i Shoqatës për Mbrojtjen e Pronave, Shtëpive, Historisë dhe Kulturës në Himarë Nikollaq Neranxi përmes një statusi në faqen e tij në Facebook denoncon përfaqësuesit e OMONIA-s, parti që mbron të drejtat e minoritetit grek se sot ka bërë aktin më tradhtar duke shitur interesat e banorëve të Himarës. Ai thotë se shoqata e hodhi planin urbanistik të Himarës në gjyq pasi ai parashikonte prishje masive shtëpish shekullore dhe grabitje tokash pothuajse për të gjithë banorët. Por, shton ai, bashkia e Himarës bëri një dredhi duke miratuar një plan tjetër, në mënyrë që të vijojë grabitjet. Pavarësisht premtimeve, Neranxi shprehet se sot punimet kanë filluar, ndërsa akuzon se në emër të banorëve si të dakordësuar me planin kanë firmosur përfaqësuesit e OMONIA-s me Fred Blerin në krye. Megjithatë ai premton se do vijojë luftën me ndihmën e banorëve.
DEKLARATA E PLOTË E NIKOLLAQ NERANXIT
Kur jam ngritur kundër grabitjes së pronave të Himarës, rreth tre vite më parë, pasi isha vetë një nga banorët e rrezikuar nga grabitja, kërkova që të bashkoheshim të gjithë në këtë kauzë që për ne ishte e shenjtë, të mbronim pronën dhe historinë tonë! Nuk vura kurrë asnjë filtër për asnjë banor të asaj zone, madje i ftova edhe ata që më kishin luftuar fort për vite me rradhë, edhe ata që më shkatërruan mitingun kundër grabitjes së pronave në vitin 2008. Kërkova bashkim për të fituar kauzën e pronave dhe më pas gjithsecili le të shkonte në punë të vet. Gjatë këtyre tre viteve që unë jam marrë non stop më çështjen e pronave të Himarës, kam arritur të kuptoj mirë rolin e gjithkujt në atë zonë dhe me dhimbje kam kuptuar se atyre banorëve nuk iu vinte keqja vetëm nga Rama apo Goro, por sidomos nga disa që hanin e pinin gjithë ditën me himarjotët sikur të ishin vëllezër dhe prapa shpine i shisnin interesat e tyre. Po të mos lindte nevoja për tu bashkuar kundër grabitjes së pronave, as do më kishte interesuar fare se çfarë bëjnë Partitë apo Organizatat në Himarë dhe kush ia fut kujt. Por në këto momente, kur ne rrezikojmë grabitjen e pronave tona, siç ka ndodhur me një pjesë të mirë të zonës së Bregut, kam arritur të kuptoj mirë aktet e tradhtisë së Omonias, të cilat rëndojnë shumë në këtë situatë.
Siç e dini, Shoqata për Mbrojtjen e Pronave, Shtëpive, Kulturës dhe Historisë Himarë me Kryetar Nikollaq Neranxin, (banor mbi 500 vjeçar i zonës), e krijuar kryesisht nga banorët e Spilesë për të marrë pjesë në procese gjyqësore, e hodhi planin urbanistik të Himarës në gjyq pasi ai parashikonte prishje masive shtëpish shekullore dhe grabitje tokash pothuajse për të gjithë banorët, sepse dihet që ata nuk kanë çertifikata pronësie.
Në këto kushte, bashkia e Himarës bëri një dredhi, ajo miratoi një plan tjetër, në mënyrë që të vijojë grabitjet. Dhe kjo vjen në një kohë që na ishte premtuar nga disa ministra, se asnjë punë nuk do të fillonte pa regjistruar fillimisht pronat tona dhe pa marrë pëlqimin e banorëve për çdo punë që do bëhej. Por sot punimet kanë filluar, unë e kam treguar edhe më herët në video, janë punime në pronë private. Dhe a e dini se kush ka firmosur në emër të banorëve si të dakordësuar me planin? Përfaqësuesit e Omonias me Fred Blerin në krye! Se për sa ju kanë shitur dhe në këmbim të çfarë favori, ju banorët e Himarës mund t’i pyesini vetë, sepse përsa më përket mua, nuk e kam besuar ndonjëherë që ajo organizatë mbron interesat tuaja përderisa ju la 28 vjet pa çertifikata pronësie. Unë gjithsesi do vijoj luftën me ndihmën e banorëve, duke çuar në gjyq çdo projekt grabitqar që bëhet kundër të gjitha rregullave dhe ku për pronën time firmoska Beleri me shokë. Ne e duam zhvillimin, e duam infrastrukturën, por nuk do lejojmë që në emër të saj të grabitemi! Burrat e Himarës nuk kanë vdekur!
Nikollaq Neranxi (Kryetar i Shoqatës për Mbrojtjen e Pronave, Shtëpive, Historisë dhe Kulturës Himarë)
Dokumenti i publikuar nga Nikollaq Neranxi
Lajme të tjera
-
Vota e 4 gushtit, analiza e shifrave; PS rikuperoi në çdo zonë të bashkisë! Në njësinë Himarë socialistët u forcuan me 7% krahasuar me 2023-shin
5 Gusht, 13:52 -
Zgjedhjet në Himarë, s’lejohen votuesit me ID të skaduar, Omonia akuza Ramës: Mbi 6 mijë zgjedhës privohen nga vota
4 Gusht, 10:10 -
Himara zgjedh sot kryetarin e ri, mbyllet votimi! Mbi 1000 votues më shumë se në zgjedhjet e kaluara! Në lista 6 mijë votues me ID të skaduara (Raportimi live)
4 Gusht, 06:52 -
23 mijë grekë në Shqipëri, OMONIA: Refuzojmë të dhënat e Censit, mungesë transparence! Regjistrim i posaçëm për minoritarët
20 Korrik, 21:59 -
Larg debatit për Himarën, Celibashi për Report Tv: Për ne çështja mbaroi me shpalljen e rezultatit! Apel politikës: Jeni vonë për votën e diasporës
29 Mars, 15:39
-
Frrok Çupi: Ç’e ëmbël e helmët kjo Himarë!
25 Mars, 16:17
-
Biznesmeni ish-deputet, Nikollaq Neranxi paditet nga ish- gruaja për dhunë
6 Mars, 22:17 -
‘Beleri’/ Juristi Hajdari: Ka shkuar shtëpi më shtëpi për ‘bamirësi’! Suli: Mbahet si i burgosur politik i Ramës, do qeverisë Himarën për 4 vite
27 Nëntor 2023, 22:50 -
Micotakis e sulmoi për Belerin? Ja ‘përgjigja’ e Ramës
17 Shtator 2023, 21:29 -
Çështja Beleri, avokati: Berisha e Meta mbrojnë një analfabet! Ndërhyrja e Greqisë? Cenon sovranitetin! Korreshi: Ta kishte bërë një politikan i yni do ishte shpallur ‘Non Grata’
16 Gusht 2023, 18:38 -
Beleri në burg, Mitsotakis mesazh qeverisë shqiptare: Greqia nuk do lejojë të kalojë në heshtje! Jam i zhgënjyer dhe i indinjuar
1 Korrik 2023, 10:44 -
Arrestimi i Fredi Belerit, Rama: Ndalimi të jetë i provuar dhe ligjërisht i motivuar, të mos nxitohet me konkluzionet politike! Skandal nëse s'ka prova
12 Maj 2023, 10:48
