Nis gara për më të bukurën e Shqipërisë

Përpara njërës prej studiove të Televizionit Publik, radha e gjatë e vajzave të lë të kuptosh që diçka e pazakontë po ndodh. Ndihen emocionet, ethe gare, biseda nën zë, një kontroll i fundit i veshjeve, parapërgatitje për intervistën, çfarë do të thonë, sa të zonjat do të jenë në minisfilatën përballë përzgjedhësve... çdo gjë që mund të dalë në këtë ballafaqim të parë.


Këtë vit në dyert e Deliart Assocation kanë trokitur më shumë se 180 vajza që ëndërrojnë kurorën e bukurisë. Tani është faza e seleksionimit dhe nga gjithë kjo prurje do të veçohen vetëm 31, si çdo vit tjetër, të cilat do të garojnë për kurorën e më të bukurës së trevave shqiptare. Edhe sivjet ka shumë pretendente nga diaspora", thotë producenti Bozo, i shkëputur për një çast, deri sa vajza e radhës të bëhet gati. "Kanë ardhur nga Italia, Greqia, Gjermania, Zvicra, pa diskutuar këtu pjesëmarrëse nga të gjitha qytetet e Shqipërisë".



Ka edhe një risi tjetër këtë vit: për herë të parë, faza e seleksionimit do të kryhet edhe në Prishtinë. "Mendoj se sivjet do të kemi të paktën 3-4 vajza nga Kosova", thotë Bozo, të cilat, bashkë me konkurentet e tjera do të bëhen pjese e rrugëtimit tradicional të Miss Shqipërisë. Do të organizohet turi nëpër trevat historike dhe turistike, ndërkohë që mbrëmjen e 22 qershorit, vendi që do të mirëpresë bukuroshet shqiptare do të jetë parku arkeologjik i Bylisit, Komuna e Hekalit në Ballsh.

Redaksia Online
(J.H/xh.k/shqiptarja.com)