POP 5

Lajmet më të lexuara të 5 minutave të fundit

Ekonomi

Nis kontrolli i misioneve të
FMN me Bankën Botërore

Paketa fiskale që do të shoqërojë buxhetin e vitit të ardhshëm do të marrë më së fundi miratimin e FMN për të kaluar më pas për diskutim me grupet e interesit.
Nis kontrolli i misioneve të<br />FMN me Bankën Botërore
TIRANE- Paketa fiskale që do të shoqërojë buxhetin e vitit të ardhshëm do të marrë më së fundi miratimin e FMN për të kaluar më pas për diskutim me grupet e interesit.
Një praktikë e tillë ende nuk dihet sesa efikase do të jetë, në një kohë kur që në fillimet e saj, qeveria është shprehur se do të dëgjojë zërin e komunitetit të biznesit duke ngritur edhe një Këshill Ekonomik Kombëtar nën slloganin “Për një politikë të re ekonomike dhe fiskale”. Sa do të dëgjohet zëri i biznesit pas “vulosjes” nga FMN të kësaj pakete? Duhej më parë që ky dokument të debatohej me sipërmarrjen dhe më tej ekspertët e Fondit të “limonin” kërkesat e biznesit? Gjatë ditëve të fundit grupet e interesit kanë paraqitur disa kërkesa për t’u marrë parasysh nga Ministria e Financave në paketën fiskale, por deri më sot nuk ka ende asnjë përgjigje.

Gjithsesi, ekspertët e Fondit Monetar Ndërkombëtar kanë mbërritur në Ministrinë e Financave ku menjëherë nisën takimet, fillimisht me drejtorët e Borxhit, Buxhetit dhe Politikave Fiskale, për t’u njohur më në detaje me këtë paketë. Gjithashtu, në ditën e parë takime do të zhvillohen edhe me ministrin e Financave dhe kryeministrin. Mendohet që nesër do të ketë një draft përfundimtar të paketës fiskale, e cila më pas do të diskutohet me grupet e interesit, kryesisht organizatat e biznesit. Por, krahas diskutimeve për termat e buxhetit të vitit të ardhshëm dhe paketës fiskale, do të diskutohet edhe për vendosjen e një marrëveshje të re mes FMN dhe qeverisë shqiptare.

Gjithashtu, do të diskutohet edhe për mundësinë e marrjes nga ky institucion financiar i një shume të konsiderueshme për të paguar borxhin që qeveria i ka biznesit për punë dhe shërbime publike tashmë të kryera. Misioni I FMN do të qendrojë në vendin tonë deri më 17 Dhjetor, ditë kur do të mbahet edhe një konferencë për mediat nga kreu i Fondit për Shqipërinë, Nadeem Ilahi, ministri i Financave, Shkëlqim Cani dhe Guvernatori i Bankës së Shqipërisë, Ardian Fullani.

Shkrimi u publikua sot (05.12.2013) në gazetën Shqiptarja.com (print)

Redaksia Online
(d.d/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

‘Dua më shumë Shqipërinë’, koncert për Pavarësinë në Fier! Bëhen bashkë 70 artistë fierakë

‘Dua më shumë Shqipërinë’, koncert për Pavarësinë në Fier! Bëhen bashkë 70 artistë fierakë

28 Nëntor, 21:39 nga Marsela Topi