POP 5

Lajmet më të lexuara të 5 minutave të fundit

Politikë

Socialistët ndezin 'motorët' e fushatës, cilat ishin vendimet që u morën në mbledhjen e grupit (Detaje+Foto)

PS zhvilloi mbledhjen e kryesisë në Pallatin e Kongreseve. "Shqiptarja.com” siguroi disa foto pak para nisjes së mbledhjes. Në mbledhje u vendos data 7 shtator, si datë e hapjes së Asamblesë Kombëtare, si dhe nisja e turit të llogaridhënies.

TIRANE-Siç ishte lajmëruar edhe më herët, sot në orën 09:00,  nisi mbledhja e kryesisë së Partisë Socialiste dhe grupit parlamentar në Pallatin e Kongreseve. Në orën 10:00 është parashikuar mbledhje edhe nga grupi parlamentar i PD-së bashkë me aleatët dhe LSI.

“Shqiptarja.com” ka siguruar disa foto pak para nisjes së mbledhjes së PS-së. Të parët që kanë mbërritur në ambientet e Pallatit të Kongreseve janë Valentina Leskaj dhe ministri i Diasporës, Pandeli Majko.

Burime për Report Tv, bëjnë me dije se në mbledhjen e sotme të kryesisë së PS-së u diskutua lidhur me sesionin e ri parlamentar dhe qëndrimin që do të mbajë Partia Socialiste. Në mbledhje u miratua data 7 shtator për hapjen e Asamblesë Kombëtare të PS-së. Kryesia e PS-së vendosi hapjen e fushatës së pranimeve të reja në PS. Socialistët janë mobilizuar tashmë për fushatë. 

Në Asamblenë Kombëtare, përveç fjalës së Ramës do të lexohet raporti i turit të llogaridhënies, si edhe raporti mbi performancën e kryetarëve të bashkive dhe këshilltarëve. Në Asamblenë e PS pritet të merret vendimi për të ndryshuar anëtarët e kryesisë së PS-së që vijnë nga sekretariati, duke ristrukturuar kështu sekretariatin.

PS pritet të nisë turin e llogaridhënies vetëm me pushtetin lokal në të gjithë vendin ku do shkojë në çdo fshat, kryebashkiaku dhe këshilltarët e PS. Në mbledhje u vendos, ngritja e një grupi pune me qëllim maksimizimin e votave, siç u paralajmërua më herët në mbledhjen informale të qeverisë në Vlorë. 

Kryeministri Edi Rama duke hyrë në Pallatin e Kongreseve

Majko dhe Leskaj duke hyrë në Pallatin e Kongreseve

Grupi strategjik do të përbëhet nga

Blerina Gjylameti Kryetare, Sekretare për organizimin e elektoral dhe drejtuese politike e Tiranës 
Damian Gjiknuri
Ditmir Bushati
Bledi Çuçi
Taulant Balla
Erion Veliaj
Gramoz Ruçi.

Rendit zhvillimet sipas orarit:
Ora 11:00
Mbledhja e Kryesisë së PS-së, Rama poston video në Instastory

Gjatë kohës që në pallatin e Kongreseve po zhvillohej mbledhja e kryesisë së PS-së, kryeministri Edi Rama, ka postuar një foto në profilin e tij në Insta Story. Rama tregon në videon e shpërndarë prej tij, disa nga pikat e rendit të ditës, të cilat i shoqëron me dixhiturën: “Kryesia e PS, live”.

Siç duket edhe në foto, në rend të ditës janë diskutimet për thirrjen e mbledhjes së Asamblesë Kombëtare të PS, më 7 shtator, diskutime për turin e llogaridhënies, si dhe  nisjen e procedurave për përzgjedhjen e anëtarëve të Këshillave Bashkiakë.

Fotoja e postuar nga Rama

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • pailot: 03/09/2018 11:53

    beni me shume per qetesine mostrat duken i keni ne rruge kudo igjeni ata

    Përgjigju
  • Roni: 03/09/2018 09:19

    Me kete grup PS i humb zgjedhjet e del ne opozite.Nuk eshte bere asgje per popullin kete ta dij mire PS.Jam votues i PS qe prej krijimit te saj.

    Përgjigju
  • Roni: 03/09/2018 09:15

    Pse kjo eshte PS te cilen ne kemi votuar?

    Përgjigju
  • Sondazhi i ditës:
    16 Nëntor, 09:13

    Kush ka pension më të ulët bonus më të madh në fundvit? Si e vlerësoni?

Lajme të tjera



×

Lajmi i fundit

Zyrtari i lartë rus: Vendimi i Biden për Ukrainën mund të çojë në Luftën e Tretë Botërore

Zyrtari i lartë rus: Vendimi i Biden për Ukrainën mund të çojë në Luftën e Tretë Botërore

17 Nëntor, 22:58