Ambasadorja e re e Shteteve të Bashkuara të Amerikës, Tresi Xhekobson sot nisi zyrtarisht misionin e saj diplomatik në Kosovë.
Ajo rreth orës 12 u prit nga Presidentja Atifete Jahjaga, ku mori letrat kredenciale. Në intervistën e parë në Kosovë ajo foli në gjuhën shqipe dhe serbe.

Shtetet e Bashkuara të Amerikës janë krenare që kanë Kosovën një vend mik, ka thënë sot në Prishtinë, ambasadorja e re amerikane, Trejsi Xhejkobson. 
“Kosova ka arritur përparime të jashtëzakonshme që nga shpallja e pavarësisë së saj”, ka thënë me këtë rast, ambasadorja amerikane, transmeton evropaelire.

“Jam e bindur që duke punuar së bashku në partneritet, udhëheqësit e Kosovës mund të çojnë përpara sundimin e ligjit dhe të ndërtojnë një themel të fuqishëm për një të ardhme të begatshme, stabile e demokratike”, ka theksuar Xhejkobson.

Ambasadorja Xhekobson e zëvendëson ambasadorin Kristofer Dell. 

/rg/shqiptarja.com/