POP 5

Lajmet më të lexuara të 5 minutave të fundit

Sociale

Nis pelegrinazhi i 13 të martave në Kishën e Shna Ndout në Laç! Besimtarët shkojnë me tren: Çmim i arsyeshëm, udhëtimi i mirë! Lutemi për familjet tona

Kjo e martë, ka shënuar nisjen e pelegrinazhit 13 javor në Kishën e Shën Ndout në Laç. Besimtarë të shumtë i janë drejtuar vendit të shenjtë, me shpresën e këtij vendi të bekuar për të gjetur ngrohtësi shpirtërore.

LEZHË- Kjo e martë, ka shënuar nisjen e pelegrinazhit 13 javor në Kishën e Shën Ndout në Laç. Besimtarë të shumtë i janë drejtuar vendit të shenjtë, me shpresën e këtij vendi të bekuar për të gjetur ngrohtësi shpirtërore.

Besimtarët e ndryshëm vizitojnë Kishën e Shën Ndout nga i gjithë vendi, duke u lutur për shëndet, mirëqenie, harmoni dhe begati.

"E bëmë rrugën në këmbë se e kam bërë jetë, falenderoj Zotin se deti tani jam për së mbari, 72-vjeç nuk asnjë problem, kam besim, gjithë bota kaloi COVID-in unë asnjë herë. Vij shumë shpesh", tha një qytetar.

"Lutem për 2 fëmijët që i kam jashtë në burg, kam besim të plotë shpresoj që të gjej derman", tha një tjetër.

Për të lehtësuar udhëtimin e pelegrinëve nga veriu i vendit është vënë në punë pas shumë vitesh treni i linjës Shkodër-Laç. Të shumtë ishin qytetarët të cilët udhëtuan me tren, ndërsa shprehen se është ndihmë për ta dhe çmime te favorshme.

"Çmimi ishte i arsyeshëm, 150 lekë shkuar dhe ardhje", tha qytetari.

"Erdhëm me tren, udhëtimi ishte shumë mirë, lutem për familjen tonë", tha një tjetër.

Pelegrinët çdo të martë në 13 të tilla i drejtohen Kishës deri më 13 qershor, ditën ku dhe kulmon përfundimi i këtij pelegrinazhi të përvitshëm.

Rendit zhvillimet sipas orarit:
Ora 14:37
Besimtarja në Kishën e Laçit shpërthen në lot: Zoti bëftë paqe për Ukrainën që është në luftë

 

Dhjetëra besimtarë kanë shkuar sot në Kishën e Laçit, e ndërsa kanë bërë edhe lutje për paqe në botë, teksa një prej besimtarëve ka shpërthyer në lot.

"Zoti është i madh, Zoti i ndihmoftë të gjithë, mbarë botën dhe u bëftë paqe për Ukrainën që është luftë, i ndihmoftë Zoti", tha besimtarë.

B.K./Shqiptarja.com

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Të shtëna me armë zjarri në Durrës, nuk raportohet për të lënduar! Shkak sherri mes dy personave në lokal, dyshohet se u përdor 'Shotgun'

Të shtëna me armë zjarri në Durrës, nuk raportohet për të lënduar! Shkak sherri mes dy personave në lokal, dyshohet se u përdor 'Shotgun'

25 Dhjetor, 18:28