Nis përzgjedhja e maturantëve
që kanë fituar në universitete

TIRANE- Në datën 3 shtator do të shpallen fituesit në universitetet publike. Agjensia Kombëtare e Provimeve do të nisë sot provën e parë të sistemit i cili përzgjedh fituesit, në bazë të notës mesatare dhe notave të katër provimeve.

Ditën e djeshme specialistët e AKP-s, kanë hedhur në sistem pikët për degët me konkurs, të cilat janë publikuar në 29 gusht. Fillimisht AKP do të testojë sitemin në dy prova, që do të zhvillohen ditën e sotme dhe të nesërme dhe në datën 3 shtator do të bëhet përzgjedhja e fiituesve, në bazë të rezultateve që maturantët kanë arritur në testimet e maturës shtetërore. Më herët është publikuar libri i transparencës, në mënyrë që maturantët të jenë të qartë për pikët që kanë për secilën degë.