Pas Fakultetit të Ekonomisë, shpërndarja e kartave të studentit ka nisur edhe pranë Fakultetit të Gjuhëve të Huaja në Tiranë. Kreu i Bashkisë së Tiranës, Erion Veliaj, i shoqëruar nga Zv.ministri i Arsimit, Sportit dhe Rinisë, Redi Shtino dhe Dekani i fakultetit, Prof. Dr. Artur Sula, inspektuan procesin e punës për aplikimin dhe printimin e kartave të para, të cilat mundësojnë shërbime falas ose me ulje për studentët.
“Jam shumë i lumtur që sot, pas Fakultetit Ekonomik, po vazhdojmë shpërndarjen në Fakultetin e Gjuhëve të Huaja. Deri në fund të ditës do të jemi të pranishëm në 27 fakultete dhe nga nesër në të 30 fakultetet. Studentëve të universiteteve private që na kanë shkruar, dua t’i siguroj se do të jemi të pranishëm edhe aty. Sigurisht, u kemi dhënë prioritet universiteteve publike, duke qenë se bashkia mbahet nga taksapaguesit, ashtu si edhe universiteti publik, ndërkohë që është vetëm çështje kohe sa të nisim shpërndarjen edhe në universitetet private”, tha Veliaj.
Përmes kësaj karte, studentët përfitojnë lehtësira në shërbime të ndryshme publike dhe private: si në sektorin bankar, shëndetësor, art, kulturë, turizëm, transport, telefoni, librari, ushqim dhe veshje. Kryebashkiaku ftoi që kësaj nisme t’i bashkohen edhe kompani të tjera private. “Dua të falënderoj dhe të bëj një thirrje publike për të gjitha kompanitë private që na janë bashkuar. Bankat kryesore na janë bashkuar, kompanitë celulare po ashtu, si edhe shumica e supermarketeve dhe dyqaneve të veshjeve. Një student nuk shpenzon vetëm në art, në kulturë dhe në institucione shtetërore, por edhe në privat. Kush realisht do të ndihmojë studentët, tani e ka shansin, të na kontaktojë dhe të na bashkohet në këtë platformë, e cila u mundëson studentëve kursime në një gamë shumë të gjerë”, nënvizoi Veliaj.
Falë premtimit të mbajtur nga bashkia dhe qeveria përmes Paktit për Universitetin, i gjithë procesi i pajisjes me Kartën e Studentit nuk zgjat më shumë se 3-4 minuta. “Nëse do të ruajmë këtë ritëm, procesi do të mbarojë në korrik. Jam i lumtur që bashkia dhe qeveria kanë mbajtur këtë pikë të marrëveshjes me Paktin me Universitetin, për të lehtësuar sadopak çështjen e financave gjatë periudhës studentore”, deklaroi Veliaj.
Kryebashkiaku dha një tjetër lajm të mirë për studentët. Sipas tij, krahas rikonstruksionit të konvikteve, po merr jetë edhe projekti për Kampusin Universitar. Ai siguroi se për ndërtimin e kampusit të ri janë marrë parasysh normat e Bashkimit Europian të metrave katrorë për çdo student.
“Sapo kemi përfunduar konsultën me të gjithë dekanët për kampusin e ri universitar. Dimë ekzaktësisht sa metra katrorë i nevojiten çdo fakulteti dhe në dallim nga herët e tjera, kësaj here kemi marrë normën e Bashkimit Europian të metrave katrorë që duhen për çdo student, të cilën e kemi shumëzuar me numrin e studentëve për të arritur në volumin që kemi nevojë për kampusin e ri universitar”, u shpreh ai, teksa shtoi se gjatë verës do të fillojnë procedurat e shpronësimeve dhe të pastrimit të territorit nga ndërtimet pa leje që kanë uzurpuar hapësirat.
“Do të jetë një operacion që do ta përfundojmë përpara verës, ku do të fillojmë procedurën e shpronësimeve dhe të pastrimit të territorit. Fillimisht, duhet të marrim mbrapsht çfarë është e jona. Fakultete si Gjuhët e Huaja apo Ekonomiku mjafton të nxjerrësh kokën në dritare dhe kupton që edhe oborri i tyre të brendshëm është zaptuar, ndërtuar pa leje, legalizuar dhe me hipotekë në kohët e kaluara të rrumpallës. Kështu që, duhet të sjellim fillimisht kontroll mbi territorin, para se të vazhdojmë me investimet e tjera”, theksoi kreu i Bashkisë së Tiranës.
Bashkia e Tiranës njofton se në çdo fakultet të çdo universiteti janë pozicionuar nga dy operatorë, të cilët ndihmojnë në procesin e emetimit të kartës së studentit, duke nisur nga informacioni i përgjithshëm, plotësimi i të dhënave, e deri te lëshimi i kartës. Karta lëshohet pa pagesë, është e rinovueshme, ka një barcode të caktuar dhe ofron akses në të gjitha institucionet apo subjektet, të cilat në ambientet e tyre kanë të afishuara stikerat me logon “karta e studentit”. Informacionet e nevojshme në lidhje me shërbimet përmes kësaj karte janë të aksesueshme në faqen ëeb dhe në aplikacionin karta e studentit.
Lajme të tjera
-
Çlirimi i Shqipërisë, nxënës e veteranë mbjellin 80 pemë në varrezat e Dëshmorëve! Veliaj: Të qartë në vokacionin tonë Europian
27 Nëntor, 15:59 -
Enver Hoxhaj nderohet me titullin ‘Doctor Honoris Causa’ në Tiranë, Veliaj: Urë lidhëse mes Shqipërisë dhe Kosovës
26 Nëntor, 16:12 -
Kopshti i ri në Njësinë 10, Veliaj: Do buxhetojmë sërish për çerdhe dhe kopshte të reja! Revolucion edhe për ushqimin falas të nxënësve nëpër shkolla
25 Nëntor, 15:40 -
Veliaj inspekton terminalin veri-perëndimor: Investim i ri që lehtëson trafikun dhe modernizon transportin
23 Nëntor, 11:51 -
Veliaj në Bruksel për 75-vjetorin e Kolegjit të Europës: Vitin tjetër dyfishohet numri i studentëve! Kampusi, histori suksesi për Tiranën
21 Nëntor, 15:21 -
Festivali i Nomadëve Digjitalë, Veliaj: Tirana, qytet kozmopolitan i të gjithëve! Bëhemi gati për titullin ‘Kryeqyteti Europian i Kulturës'
20 Nëntor, 15:46 -
Premtimi i Veliajt, nga 1 janari 2025 pensionistët do të udhëtojnë falas me autobus në Tiranë! Vendimi miratohet me votat e socialistëve në Këshillin Bashkiak
19 Nëntor, 17:54 -
Prezantohet në shqip libri i ish-kryebashkiakut të Bogotas, Veliaj: Ekipi i tij do ndihmojë në zbatimin e sistemit të ri të transportit në Tiranë
19 Nëntor, 14:46 -
Sot 80 vjetori i Çlirimit të Tiranës nga pushtuesit nazistë, homazhe te ‘Ushtari i Panjohur’! Veliaj: Të lëmë përçarjet për përparimin e shoqërisë
17 Nëntor, 08:29 -
Rehabilitohet blloku i banimit në Njësinë 3, Veliaj: Tirana, një kantier investimesh, buxheti 2025, më transformuesi
16 Nëntor, 13:07 -
Parada e Shqiptarëve më 28 nëntor në Tiranë, Bashkia e Ferizajt i bashkohet festës së madhe të pavarësisë: Emocion, krenari, lavdi e festë e jashtëzakonshme
13 Nëntor, 20:09 -
FOTOT/ Nis puna për rindërtimin e shkollës 9-vjeçare “Edith Durham”, Veliaj: “Do të jetë një super shkollë me 4 kate, gati për vitin e ardhshëm shkollor”
12 Nëntor, 12:00
