POP 5

Lajmet më të lexuara të 5 minutave të fundit

Kronikë

Nishani nderon figura të Kosovës
"Kapitulli më i lavdishëm i historisë"

Në prag të përvjetorit të 7 të Pavarësisë së Kosovës, Presidenti i Republikës Bujar Nishani ka dekoruar disa nga figurat dhe personalitetet më në zë që kanë dhënë kontributin e tyre për këtë arritje. VIDEO
TIRANE - Në prag të përvjetorit të 7 të Pavarësisë së Kosovës, Presidenti i Republikës Bujar Nishani ka dekoruar disa nga figurat dhe personalitetet më në zë që kanë dhënë kontributin e tyre për këtë arritje.

Në fjalën e tij Presidenti Nishani vlerësoi sakrificat dhe kontributin e dhënë nga figurat e kombit si Adem Jashari dhe Ibrahim Rugova, ndërsa theksoi se në historinë e popullit shqiptar, Kosova është kapitulli më i lavdishëm.

Ceremoninë e dekorimit Nishani e cilësoi si shembull për të gjithë ata që kanë dhënë jetën për liri dhe demokraci të shqiptarëve.

“Iu desh të kalojë rrugë të gjatë dhe sakrifica për mbijetesë. Kështu flasin faktet historike, plot me ngjarje dhe kthesa të mëdha, ndër të cilat më e shquara ishte epoka e Skënderbeut. Në faqet e historisë së Shqipërisë, kapitulli më i lavdishëm është Kosova. Si feniksi Kosova nuk është ndalur duke u bërë shtet i lirë dhe i pavarur. Sot kur Kosova shënon 7 vjetorin e pavarësisë, e kujtojmë figurën legjendare të Adem Jasharit, si për nga forma edhe nga përmbajtja. Historianëve u përket të bëjnë vlerësimin, por më lejoni ta konsideroj edhe unë unike, figurën e Ibrahim Rugovës i cili ia imponoi njerëzimit luftën paqësore për çlirimi për mbrojtjen e pragut të shtëpisë dhe që rezultoi çelësi efikas për pavarësinë e Shqipërisë. Ky guxim nuk është i rastit por vazhdim i trimërisë së Drenicës. Kjo ceremoni e sotme dekorimi le të jetë një shembull për të gjithë ata që kanë dhënë jetën për liri, demokraci dhe prosperitet të kombit shqiptar. Kjo ceremoni le të jetë edhe mesazhi ynë se ne i vlerësojmë dhe respektojmë të gjithë miqtë dhe aleatët e shqiptarëve që iu bashkuan sakrificave të shqiptarëve.” u shpreh Nishani

Në mesin e figurave të dekoruara nga Nishani, u vlerësuar me titullin “Gjergj Kastrioti Skënderbeu Ahmet Krasniqi. Ndërkohë figura si Sali Çekaj, Tahir Zemaj, Indrit Cara, Bekim Berishës, Fehmi Llavdrovci dhe Smajl Hajdaraj u nderuan me titullin “Nderi i Kombit”.

bujar nishani

bujar nishani

Redaksia Online
(e.c/shqiptarja.com)

/Shqiptarja.com
  • Sondazhi i ditës: 6 Janar, 20:03

    Si iu duket trafiku rrugor në Shqipëri?

Lajme të tjera



×

Lajmi i fundit

SPAK, sfida tjetër me lavanderinë politike të mëkateve

SPAK, sfida tjetër me lavanderinë politike të mëkateve

7 Janar, 18:46 nga Lorenc Vangjeli