POP 5

Lajmet më të lexuara të 5 minutave të fundit

Arkiva

Nishani-Nikoliç: Zbatimi i marrëveshjes, me rëndësi për procesin integrues të dy vendeve

TIRANË, 15  Korrik/ATSH/- Zbatimi i plotë i marrëveshjeve të arritura me ndërmjetësimin e Baroneshës Ashton dhe asistencën e SHBA-ve është shumë i rëndësishëm për të dy vendet, edhe për proceset e tyre respektive të integrimit. Kështu deklaroi presidenti, Bujar Nishani në takimin me presidentin e Serbisë, Tomislav Nikoliç, mbajtur në Kroaci në kuadër të pjesëmarrjes […]
TIRANË, 15  Korrik/ATSH/- Zbatimi i plotë i marrëveshjeve të arritura me ndërmjetësimin e Baroneshës Ashton dhe asistencën e SHBA-ve është shumë i rëndësishëm për të dy vendet, edhe për proceset e tyre respektive të integrimit.
Kështu deklaroi presidenti, Bujar Nishani në takimin me presidentin e Serbisë, Tomislav Nikoliç, mbajtur në Kroaci në kuadër të pjesëmarrjes në Takimin e  Kryetarëve të Procesit të Brdo-Brijunit.
Kreu i Shtetit shqiptar u shpreh se pavarësisht qëndrimeve diametralisht të kundërta që ndajmë lidhur me çështjen e Kosovës, realiteti dikton një bashkëpunim të fokusuar rajonal, mbi objektivin kryesor të integrimit evropian.
Gjatë takimit u ra dakord për zhvillimin e marrëdhënieve dypalëshe, veçanërisht në fushat e arsimit, kulturës, ekonomisë.
Presidenti Nishani shprehu solidarizimin ndaj Serbisë për përmbytjet që sollën pasoja shumë të rënda për vendin, duke shpresuar që Konferenca e donatorëve që do të mblidhet së afërmi në Vjenë të rezultojë e suksesshme./a.gegvataj/

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Festa e Pavarësisë, BE në Tiranë: 112-vjetori e gjen Shqipërinë me hapjen e negociatave për Grupkapitullin e parë

28 Nëntor, 09:26