POP 5

Lajmet më të lexuara të 5 minutave të fundit

Kronikë

Nishani- Ramës: Heqja e fotos
sime nuk është serioze

Presidenti Bujar Nishani reagon sot me tone indinjuese në lidhje me vendimin e kryeministrit Rama për heqjen nga institucionet të potretit të Presidentit të Republikës dhe në vend të tij vendosjen e fotos së Ismail Qemalit.
Braçe: Nishani, betejë qesharake për foton e tij
Nishani- Ramës: Heqja e fotos<br />sime nuk është serioze
DURRËS - “Heqja e fotos nuk është punë është gjest, nuk kërkon lodhje, fantazi, presidenti pret nga kryeministri të bëjë punë e jo gjeste”- ky ishte reagimi i tepër i indinjuar i presidentit Bujar Nishani dy ditë pasi kryeministri Edi Rama mori vendimin për heqjen nga institucionet të portretit të Presidentit të Republikës dhe në vend të tij vendosjen e fotos së Ismail Qemalit.

”Eshtë padëgjuar më parë që një kryeministër ta nisë punën e tij me heqjen e fotos së presidentit të vet. Nuk ka ndodhur në asnjë vend, nuk duhet të ndodhë, nuk është serioze, por heqja e fotos nuk është punë, është gjest dhe si i tillë nuk kërkon angazhime, është i kollajtë; nuk kërkon lodhje, fantazi, inteligjencë dhe Presidenti pret nga kryeministri të bëjë punë dhe jo gjeste.”- tha Nishani.

Presidenti shkon më tej duke shtuar se po bëhen përpjekje për ta vendosur presidentin përballë si kundërshtar politik dhe historia është histori dhe serioziteti ndaj shtetit është seriozitet.   
 
“Natyrisht që Kushtetuta përcakton që presidenti është kreu i shtetit. Në Republikën e Shqipërisë Kushtetuta i ngarkon Presidentit përfaqësimin e unitetit të popullit. S’ka diskutimi që Ismail Bej Vlora  është figurë e madhe, por historia është histori dhe serioziteti ndaj shtetit është seriozitet ndaj shtetit.  E rëndësishme është që Kushtetuta do të mbrohet me çdo rast, por sforcimet për ta vendosur presidentin përballë si kundërshtar politik nuk janë të shëndetshme. Shqiptarët kanë nevojë për bashkim, jo përçarje, kontribute, punë, zhvillim ekonomik, presidenti do të jetë gjithmonë në shërbim të unitetit , mbrojtjes së Kushtetutës. Për fat të mirë Shqipëria i ka të konsoliduar mekanizmat e mbrojtjes së Kushtetutës."

Reagimi i Presidentit Nishani erdhi sot pas pyetjes së një gazetareje e pranishme në konferencën e përbashkët të 4 Presidentëve të rajonit që u zhvillua në Durrës. Ky ishte takimi i  V Rajonal i Presidentëve të Kosovës, Maqedonisë, Malit të Zi dhe Shqipërisë. Pyetje-përgjigjet e gazetarëve dhe presidentit Nishani

FOTOT E SALLES SE MBLEDHJEVE TE QEVERISE ME DHE PA FOTON E PRESIDENTIT NISHANI


edi rama me ismail qemalin

(Ne foto: Pamje nga salla e mbledhjeve të qeverisë të drejtuar aktualisht nga kryeministri Edi Rama)


Mbledhje Qeveria Bersiha me nishanin background

(Ne foto: Pamje nga salla ku zhvilloheshin mbledhjet e qeverisë nga ish kryeministri Berisha)

(sg/mag/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Flamuri shqiptar për herë të parë në podiumin e Botërorit të Skive, Lara Colturi: Më erdhi të qaja, s'e prisja vendin e dytë

Flamuri shqiptar për herë të parë në podiumin e Botërorit të Skive, Lara Colturi: Më erdhi të qaja, s'e prisja vendin e dytë

28 Nëntor, 10:38