POP 5

Lajmet më të lexuara të 5 minutave të fundit

Kronikë

Nishani: Të vijojmë reformat e
nevojshme, të promovojmë vlerat

Presidenti i Republikës Bujar Nishani ka organizuar një pritje me rastin e Festës së Pavarësisë në Pallatin e Brigadave në kryeqytet. I pranishëm në këtë ceremoni edhe kryeministri Edi Rama.
Nishani: Të vijojmë reformat e<br />nevojshme, të promovojmë vlerat
TIRANE- Në 101-vjetorin e Pavarësisë së Shqipërisë, Presidenti i Republikës, Bujar Nishani vuri theksin tek vijimi i reformave në mënyrë që vendi të ecë përpara, si dhe në zbutjen e klimës politike. Në pritjen e organizuar në Pallatin e Brigadave, me rastin e Festës së Pavarësisë, presidenti Nishani theksoi rëndësinë e ruajtjes së trashëgimisë kulturore dhe pasurimit të mëtejshëm.

Sipas Nishanit, ky proces është i rëndësishëm për promovimin dhe shtimin e vlerave kombëtare.

“Shtetin e kemi, duhet t’i shërbejmë. Të vijojmë reformat e nevojshme. Të kujdesemi më tepër për ruajtjen e trashëgimisë kulturore dhe ta pasurojmë atë. Pasi nëse nuk e shtojmë këtë trashëgimi, është sikur nuk kemi bërë asgjë. Vetëm në këtë mënyrë do të mundësojmë stabitlitetin më të madh, progres më të harmonishëm në të gjitha nivelet e fushat, dhe në të njëjtën kohë të promovojmë dhe shtojmë vlerat kombëtare, pa e tepruar, në mënyrë të ekuilibruar. Duhet të jemi bashkëpunues me fqinjët, të përveshim llërët, të ndreqëm gabimet dhe të ecim përpara. Të zbusim klimën politike. Ta bëjmë shqipërinë vendin e njerëzve që Shëqipëria meriton, seriozë e të përmbajtur, me shpirt fisnik, që punojnë shumë, duan atdheun, nuk e teprojnë”, tha në fjalën e tij Presidenti Nishani.

I pranishëm në këtë ceremoni ndodhet edhe kryeministri Edi Rama. Në këtë pritje janë të pranishëm edhe personalitete të vendit dhe të huaja.

Paraditen e sotme, Presidenti Nishani ka qenë i pranishëm në qytetin simbol të Pavarësisë, në Vlorë, për të uruar të gjithë shqiptarët.

Redaksia Online
(e.s/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Lidhjet e Suel Çelës me Artan Hoxhën, Kikia në ‘Frontline’: Gazetaria mori goditje të jashtëzakonshme, gazetarë në shërbim të një prej organizatave më famëkeqe të krimit

Lidhjet e Suel Çelës me Artan Hoxhën, Kikia në ‘Frontline’: Gazetaria mori goditje të jashtëzakonshme, gazetarë në shërbim të një prej organizatave më famëkeqe të krimit

28 Nëntor, 23:04