POP 5

Lajmet më të lexuara të 5 minutave të fundit

Kronikë

Punime në autostradën Tiranë-Durrës, ARRSH: Ja si do të devijohet qarkullimi

Autoriteti Rrugor Shqiptar dhe Policia e Qarkullimit Rrugor ka njoftuar se duke nisur nga mëngjesi i ditës së sotme do të ketë devijime të qarkullimit në disa segmente përgjatë autostradës Tiranë-Durrës ku kanë nisur punimet për rikonstruksionin e disa segmeneteve rrugore. 

Punime në autostradën Tiranë-Durrës, ARRSH: Ja si do të devijohet qarkullimi

Foto ilustruese

Në kuadër të punimeve të nisura për rehabilitimin dhe rikonstruksionin e  punimeve Autoriteti Rrugor Shqiptar dhe Policia e Qarkullimit Rrugor kanë bërë me dije se duke nisur nga dita e sotme më 14 shkurt, nga ora 07.00 e mëngjesit dhe duke vazhduar edhe gjatë ditës së nesërme do të ketë devijime të qarkullimit në disa segmente përgjatë autostradës Tiranë-Durrës.

Sipas njoftimit të Autoritetit Rrugor Shqiptar bëhet me dije për të gjithë përdoruesit e  rrugës se për gjatë kohës së kryerjes së këtyre punimeve do të realizohet devijimi i trafikut në km 6 në drejtimin Tiranë – Durrës dhe në km 7 në drejtimin Durrës – Tiranë në rrugët dytësore në këto pika.  ARRSH përmend mes të tjerash se trafiku në këto segmente rrugore të autostradës se  do të bëhet vetëm në një kalim .

Njoftimi i plotë 

Autoriteti Rrugor Shqiptar dhe Policia e Qarkullimit Rrugor informojnë median dhe opinionin publik se duke nisur nga dita e enjte (datë 14 Shkurt 2019 ora 07:00 në mëngjes), në kuadër të projektit të “Mirëmbajtjes me Performancë të Bankës Botërore” do të realizohen punime në segmentet rrugore të mëposhtëme:

1. Vazhdimi i punimeve për ndërtimin e (2) tombinove të reja rrethore nësegmentin rrugor (autostrada) Tiranë – Qafë Kashar (kthesa Rinas) në kilometrin 6+600 dhe 6+800 (Kastrati & Alba-Elettrica), për ndërtimin e pusetave hyrëse dhe dalëse të portaleve të tombinove.

Për këtë arsye gjatë kohës së kryerjes së këtyre punimeve do të realizohet devijimi i trafikut në km 6+500 në drejtimin Tiranë – Durrës dhe në km 7+550 në drejtimin Durrës – Tiranë në rrugët dytësore në këto pika. Trafiku në këto segmente do të bëhet vetëm në një kalim.

Lëvizja e mjeteve në këtë segment rrugor do të kufizohet brenda harkut kohor prej datës 14.02.2019 deri në datë 19.02.2019, sipas Planit të Menaxhimit të Trafikut të miratuar.

2. Gjithashtu në segmentin rrugor Tiranë – Kamëz, mbas mbikalimit të Kamzës, do të realizohet riparimi i shtresave asfaltike të dëmtuara.

Punimet në këtë segment rrugor do të realizohen duke kufizuar trafikun e mjeteve në një korsi të lëvizjes gjatë kohës së kryerjes së punimeve.

Lëvizja e mjeteve në këtë segment rrugor do të kufizohet brenda harkut kohor prej datës 14.02.2019 deri në datë 17.02.2019, sipas Planit të Menaxhimit të Trafikut të miratuar.

Punonjësit e Autoritetit Rrugor Shqiptar, Policisë së Qarkullimit Rrugor dhe kompanive të mirëmbajtjes do të jenë në terren për mbarëvajtjen e ndërhyrjes dhe orientimin e trafikut sipas planit të menaxhimit të miratuar.

Nga ana e Autoritetit Rrugor Shqiptar dhe Policisë së Qarkullimit Rrugor është hartuar një plan operacional i ndërhyrjes dhe devijimit të trafikut për të shmangur bllokimin e qarkullimit dhe garantuar mbarëvajtjen e punës në terren.

ARRSH dhe Policia e Qarkullimit Rrugor kërkojnë mirëkuptimin dhe bashkëpunimin e drejtuesve të mjeteve dhe bizneseve të zonës gjatë procesit të ndërhyrjes në këtë aks rrugor dhe respektimin në mënyrë rigoroze të sinjalistikës provizore të vendosur dhe udhëzimeve të Policisë Rrugore në terren.

//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Vlorë/ Përdorues të telefonave dhe të dehur në timon, gjoba deri në 400 mijë lekë shoferëve! 1 person në pranga

Vlorë/ Përdorues të telefonave dhe të dehur në timon, gjoba deri në 400 mijë lekë shoferëve! 1 person në pranga

24 Nëntor, 10:57 nga Armand Xhelili