POP 5

Lajmet më të lexuara të 5 minutave të fundit

Kultura

Nisin punimet në monumentin e kulturës “Ura e Zogut”, me gjatësi 480 metra dhe e projektuar nga inxhinier zviceran

Ura e Matit është një prej veprave më të veçanta inxhinierike në Ballkan dhe njihet si një nga veprat e para inxhinierike, të këtyre përmasave, të shtetit shqiptar.

Kanë nisur punimet përforcuese në Urën e Matit, e njohur si “Ura e Zogut”, monument kulture, për vlerat e saj arkitektonike të kohës.

Ura e Matit është një prej veprave më të veçanta inxhinierike në Ballkan dhe njihet si një nga veprat e para inxhinierike, të këtyre përmasave, të shtetit shqiptar.

Projektuar nga inxhinieri zviceran Erëin Schnitter dhe ndërtuar nga firma triestine "Mazorana & Co Triest", nën drejtimin e inxhinierit Gjovalin Gjadri, ura e gjatë 480 metra u ndërtua me gjashtë harqe (kampata), secili nga 54 metra. Edhe pse një prej pjesëve u dëmtua gjatë Luftës së Dytë Botërore, ura mbetet një dëshmi e forcës krijuese dhe elegancës.

Nisja e punimeve në këtë urë është bërë me dije sot nga Ministri i Ekonomisë, Kulturës dhe Inovacionit Blendi Gonxhja, përmes një postimi në rrjetet sociale.

“Sot, ky monument kulture, në listën e pasurive në rrezik nga “Europa Nostra” ????????, i është nënshtruar falë financimit nga Qeveria Shqiptare, një ndërhyrjeje shpëtuese, si fazë e parë përforcuese, dhe në vijim pason restaurimi thelbësor, ku ekspertët po verifikojnë thellësinë e zhytjes së themelit dhe ndërthurjen e strukturës mbajtëse të çeliktë me këmbën e urës, veçanërisht për shkak të ndërtimit në mjedis me ujë dhe për shkak të cedimit dhe animit të këmbës së urës”, shkruan ai.

Ky projekt pritet të kthejë për publikun, për qëllime panoramike e pelegrinazhi, një tjetër objekt trashëgimie, të aksesueshëm e të kalueshëm nga vizitorët dhe të shfrytzueshëm për komunitetin e zonës.

S.B/E.H/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • engjell ceka: 17/06/2024 20:24

    Nji ngjarje mjaft e bukur...Pak me vonese por teper e domosdoshme....urimet ma te mira nga une nji trashegimtar i monumente ve te kultures ne shkoder...

    Përgjigju
  • Sondazhi i ditës: 24 Janar, 09:42

    Sa i drejtë do të jetë procesi i primareve në PD?

Lajme të tjera



×

Lajmi i fundit

Shkodër/ I akuzuar për trafikim narkotikësh në Itali, arrestohet 54-vjeçari

Shkodër/ I akuzuar për trafikim narkotikësh në Itali, arrestohet 54-vjeçari

24 Janar, 09:42